JOSUA 4:3 - BIBEL JAMITA NA DENGGAN

³ Parentahon ma tu halahi mambuat dua bolas batu sian tonga-tonga ni Batang aek Jordan on, tumbuk di hajongjongan ni angka malim i. Suru ma dioban halahi batu i lopus tu inganan parbandaranmunu annon borngin.”

JOSUA 4:3 Iomraidhean Croise

PAMUNGKAAN 28:22

Jana lehenonku ma di Ho saparsampulu ni sandok na nilehenMu di au. Batu parningotan, na hupajongjong on, gabe inganan parsombaan tu Ho ma i.”

MASMUR 103:2

Puji ma Tuhan, ale tondingku, jana ulang halupahon sude hadenggananNa!

MASMUR 11:4

Maringanan Tuhan di BagasNa na badia, marhabangsa di banua ginjang do Ia. Angka jolma i sai dipaligi-ligiSa, sude karejo ni halahi diboto Ia.

LUKAS 19:40

Tapi dialusi Jesus ma tu halahi, “Hudok ma di hamu, muda sip halahi, marsurahi ma angka batu on.”

JOSUA 24:27

Dung salpu i mandok hata ma si Josua tu sude angka halahi, “Batu on ma gabe saksinta. Sude hata na nipajojor ni Tuhan tu hita, madung dipajojor di jolo ni batu on. Antong, batu on ma na gabe saksi maradopkon hamu, muda dialo hamu sanoli on Debatamunu.”

JOSUA 3:13

Disi naron didegehon angka malim na mamorsan Poti Parjanjian ni Tuhan i patna tu bagasan aek di Batang aek Jordan i, magotap ma pardalan ni aek i, jana tartembok ma aek na ro sian julu di sada inganan.”

JOSUA 4:4

Jadi dipio si Josua ma sidua bolas na tarpili i,

JOSUA 4:8

Dibaen sidua bolas halak i ma na niparentahon ni si Josua i. Jana hombar tu na nidok ni Tuhan tu si Josua, dibuat halahi ma dua bolas batu sian tonga-tonga ni Batang aek Jordan, sada be ganop marga ni Israel, lalu marobansa tu inganan parbandaran ni halahi.

1 SAMUEL 7:12

Dung i dibuat si Samuel ma sada batu, dipajongjong ia ma batu i di parbalohan ni Mispa dohot Sen. Didok ia ma, “Diurupi Tuhan do hita sapanjang pardalananta,” – jana digoari ia ma batu i “Eben-Haeser, Batu Pangurupion”.