JOSUA 4:10 - BIBEL JAMITA NA DENGGAN

¹⁰ Anggo angka malim i laing jongjong do di tonga-tonga ni Jordan lopus sidung angka halahi patuluskon sude na niparentahon ni Tuhan tu halahi marhite si Josua. Laing hombar do sudena i tu na nidok ni si Musa tu si Josua. Horas do halak Israel manaripari batang aek i.

JOSUA 4:10 Iomraidhean Croise

MASMUR 119:60

Huompoti nada pola hupalalap laho mandalankon parentaMu.

HARURUAR 12:39

Ditutung halahi ma roti na so marragi sian adonan na nioban ni halahi sian Mesir. Hara ni tompuna halahi dipaorot sian i, gabe nada sanga halahi mangarade panganon sanga pauli adonan ni roti dohot ragi.

PODA 27:1

Ulang hata-hatahon sanga aha na giot sibaenonmu ancogot, sanga aha na giot tarjadi sadari on ise lakna umboto.

PARJAMITA 9:10

Karejohon ma sude karejomu sagogomu. Angke nada adong be naron sipikiran dohot karejo. Nada adong ilmu sanga bisuk anggo di inganan ni na mate. Jana marayak tusi do ho kehe.

JESAYA 28:16

Hara ni i songon on ma didok Tuhan Debata, “BaenonKu ma ojahan na togu jana na tohong di Sion; di gincat ni batu parsuhi na arga i suratkononKu ma: ‘Haporsayaan na togu, padao ganggu ni roha.’

2 KORINTUS 6:2

Didok Debata do di Buku Na Badia i, “Di hatiha na nipatumbuk, madung Hutangihon pio-piomu, jana di ari haluaan madung Huurupi ho.” Tangkas ingot hamu! Saonnari ma hatiha na nipatumbuk i. Saonnari ma arina, ari haluaan.

PANGARATAION 31:9

Dung i disuratkon si Musa ma angka Tona Ni Tuhan Debata jana dilehen ia ma i tu angka Malim Levi na ditugaskon mangurus Poti Parjanjian i, dohot tu angka pamimpin ni Israel.

JOSUA 24:11

Dung i ditaripari hamu ma Batang aek Jordan, lalu ma hamu di Jeriko. Diporangi halak Jeriko do hamu, songon i halak Amori, halak Peris, Kanaan, Het, Girgasi, Hewi dohot halak Jebus. Tapi Hutaluhon do halahi sudena di hamu.

JOSUA 3:13

Disi naron didegehon angka malim na mamorsan Poti Parjanjian ni Tuhan i patna tu bagasan aek di Batang aek Jordan i, magotap ma pardalan ni aek i, jana tartembok ma aek na ro sian julu di sada inganan.”

JOSUA 4:11

Dung lalu halahi sude tu bariba, mardalan ma muse angka malim na maroban Poti Parjanjian ni Tuhan i di jolo ni bangso i.

JOSUA 4:9

Di tonga-tonga ni Jordan i muse, disusun si Josua ma dua bolas batu diinganan hajongjongan ni angka malim na mamorsan Poti Parjanjian i. (Laing disi dope angka batu i lopus tu sadari on.)