JOSUA 3:8 - BIBEL JAMITA NA DENGGAN

⁸ Antong, saonnari parentahon ma tu angka malim na mamorsan Poti Parjanjian i anso manigor masuk halahi tu bagasan aek i lalu jongjong di topina i disi lalu halahi tu batang aek i.”

JOSUA 3:8 Iomraidhean Croise

2 RAJA-RAJA 2:6

Dung i didok si Elia ma tu si Elisa, “Dison ma ho; disuru Tuhan do au tu Batang aek Jordan.” Tapi dialusi si Elisa ma, “Hara ni Tuhan na mangolu i, bope hara ni ho Amang, nada giot tinggalkononku Amang.” Jadi kehe ma halahi

2 JUJUR TAON 29:15

Dung i dipalagut halahi ma angka halak Levi na deba nari, jana mangias diri ma halahi. Dung salpu i, domu tu parenta ni raja i masuk ma angka malim tu Bagas Ni Debata i jana dipungka halahi ma paiaskonsa mangihutkon Tona Ni Tuhan. Sude na hodar diparuar ma i tu alaman ni Bagas Ni Tuhan i. Sian i dioban halak Levi ma i tu Rura Kidron na di ruar ni kota.

2 JUJUR TAON 29:27

Dilehen si Hiskia ma tandana paboa na giot mulaan ma upacara na pasahatkon haul i. Jadi taran na manghaulkon haul i, mamungka ma marende angka jolma i mamuji Tuhan, jana angka parmusik pe dipalu ma sarune dohot angka musik na deba nari i.

2 JUJUR TAON 29:30

Disuru raja dohot angka hatobangon ni rayat i ma endehonon ni angka halak Levi i puji-pujian tu Tuhan na nikarang ni si Daud dohot Panurirang Asap. Marjop ni roha situtu ma sude jolma i na marende i lalu marsinggang manyomba Debata.

2 JUJUR TAON 30:12

Di Juda pe markarejo do Debata jana dipasada Ia do roha ni rayat i anso marsitutu mangoloi hagiot ni Debata marhite na mangihutkon parenta ni raja i dohot angka pagawena i.

NEHEMIA 13:22

Jadi husuru ma angka halak Levi patupahon upacara paiaskon diri dohot manjago angka pintu horbangan laho mangawasi anso dipasangap halak Ari Sabat i. Martangiang ma au, “Ale Debatangku laing ingot ma au hara ni pangalahongki jana ibo ma rohaMu di au hombar tu godang ni holong ni rohaMu.”

NEHEMIA 13:28

Anak ni Malim Godang Elyasib do si Joyada, tapi sada sian anak ni si Joyada gabe hela ni si Sanbalat na sian kota Bet-Horon i. Jadi hara ni i gabe huusir si Joyada sian Jerusalem.

HARURUAR 14:13

Dialusi si Musa ma, “Ulang hamu mabiar! Martahan ma hamu, idaonmunu ma sanga aha sibaenon ni Tuhan laho paluahon hamu sadari on; nada idaonmunu be halak Mesir i.

ANDUNG 3:26

Antong, painte ma di bagasan sonang lopus ro Tuhan mangalehen partolongan.

JOSUA 3:17

Anggo angka malim na mamorsan Poti Parjanjian i torus do jongjong di tonga-tonga ni batang aek i lopus taripar sude halahi tu bariba.

JOSUA 3:3

jana didok halahi ma tu halak Israel, “Muda diida hamu angka malim mamorsan Poti Parjanjian ni Tuhan Debatamunu i, hamu pe antong markobas ma manadingkon ingananmunu be laho mangihutkon halahi.

JOSUA 3:7

Didok Tuhan ma tu si Josua, “Mamungka sadari on baenonKu ma ho gabe halak na godang jabat sude halak Israel pasangap ho jana botoon ni halahi ma bahaso na Hudongani do ho songon pandonganingKu di si Musa.

JOSUA 3:9

Dung i dipio si Josua ma angka halak Israel i jana didok ia ma, “Tole, tangihon hamu ma sanga aha na niparentahon ni Tuhan Debatamunu.

JOSUA 4:11

Dung lalu halahi sude tu bariba, mardalan ma muse angka malim na maroban Poti Parjanjian ni Tuhan i di jolo ni bangso i.