JOSUA 3:3 - BIBEL JAMITA NA DENGGAN

³ jana didok halahi ma tu halak Israel, “Muda diida hamu angka malim mamorsan Poti Parjanjian ni Tuhan Debatamunu i, hamu pe antong markobas ma manadingkon ingananmunu be laho mangihutkon halahi.

JOSUA 3:3 Iomraidhean Croise

2 SAMUEL 6:13

Jadi dung mangalangka angka jolma na maroban Poti Parjanjian i onom langka, disuru si Daud ma halahi maradian. Dung i dihaulkon ia ma tu Tuhan haul lombu jantan dohot anak ni lombu na dipamokmok.

2 SAMUEL 6:3

Dibuat ma Poti Parjanjian i sian bagas ni si Abinadab na di ginjang tor i jana dipamasuk ma tu kareta na imbaru. Dung i diihutkon si Usa dohot si Ahio anak ni si Abinadab i ma kareta i. Si Usa ma di lambung ni kareta i,

1 RAJA-RAJA 8:3

Dung i diangkat angka malim i ma Poti Parjanjian i,

JEREMIA 33:18

tongtong adong angka malim sian Marga Levi na markobasi tu Au dohot na manghaulkon haul situtungon, haul gandum dohot haul pahan-pahanan.”

BILANGAN 10:33

Dung ditinggalkon halak Israel Sinai, dolok na badia i, mardalan ma halahi tolu ari honokna. Tongtong do di jolo Poti Parjanjian Ni Tuhan i, anso dipaboa ia inganan parbandaran di halahi.

BILANGAN 4:15

Muda dapot hatiha mambuka parbandaran i horong ni Marga Kehat angkon ro be ma mamorsan barang-barang na badia i, tapi angkon dung sidung pe ditutupi si Harun dohot angka anaknia barang-barang bope parkokasna i. Angke halak sian Marga Kehat, nada tola dais tu barang-barang na badia i, muda dais halahi angkon mate halahi. Songon i ma karejo ni Marga Kehat muda giot paimbaron ma Bandar Parmianan.

MATEUS 16:24

Dung i didok Jesus ma tu anak siseanNia i, “Muda adong halak na giot mangihutkon Au, angkon dihalupahon ia do dirina sandiri, dung i diporsan ia ma silangna dung i pe anso diihutkon Au.

MATEUS 8:19

Jadi ro ma sada Siboto Surat tuSia mandok, “Ale, Guru! Rap noma au dohot Ho, sanga tu dia pe Guru i kehe!”

PANGARATAION 31:25

Dung sidung, didok ia ma tu angka Malim Levi na dikarejokon mangurus Poti Parjanjian i,

PANGARATAION 31:9

Dung i disuratkon si Musa ma angka Tona Ni Tuhan Debata jana dilehen ia ma i tu angka Malim Levi na ditugaskon mangurus Poti Parjanjian i, dohot tu angka pamimpin ni Israel.

JOSUA 3:4

Halahi ma patuduhon dalan di hamu, dibaen nada unjung dope hamu tuson. Tapi ulang madonoktu hamu mardalan tu Poti Parjanjian i; ihutkon hamu ma sian pudi.”

JOSUA 3:6

Jadi diparentahon si Josua ma angka malim mangangkat Poti Parjanjian i lalu kehe ma halahi manjoloi rayat i. Dibaen halahi muse ma na niparentahon ni si Josua i.

JOSUA 3:8

Antong, saonnari parentahon ma tu angka malim na mamorsan Poti Parjanjian i anso manigor masuk halahi tu bagasan aek i lalu jongjong di topina i disi lalu halahi tu batang aek i.”

JOSUA 4:10

Anggo angka malim i laing jongjong do di tonga-tonga ni Jordan lopus sidung angka halahi patuluskon sude na niparentahon ni Tuhan tu halahi marhite si Josua. Laing hombar do sudena i tu na nidok ni si Musa tu si Josua. Horas do halak Israel manaripari batang aek i.

JOSUA 6:6

Jadi dipiohon si Josua ma angka malim jana didok ia ma, “Buat hamu ma Poti Parjanjian i, angkon mardalan di jolo ni Poti Parjanjian i pitu halak sian hamu na mamalu sarune.”

HALUMBAAN 14:4

Angka halak na manjagohon dirina do halahi, jana nada dipahodar halahi diri ni halahi markite-hite dadaboru; ias do halahi songon bujing-bujing. Dipaihut-ihut halahi do Anak Ni Biri-biri i sanga na tudia Ia kehe. Sian sudena jolma manusia, halahi ma na dung nipalua anso haulkononkon songon patumonaan ni haul tu Debata dohot tu Anak Ni Biri-biri i.

1 SAMUEL 6:15

Dung i dipaijur angka halak Levi ma Poti Parjanjian ni Tuhan i dohot poti na marisi barang-barang sere i, dipayakkon halahi ma di ginjang ni batu na godang i. Dung i dihaulkon halak Bet-Semes ma angka haul na nitutungan dohot angka haul na asing tu Tuhan.