JOSUA 3:16 - BIBEL JAMITA NA DENGGAN

¹⁶ magotap ma manigor pardalan ni aek i. Dao di juluan marlagut ma aekna i di Adam, i ma sada kota donok tu kota Sartan. Aek na di jae na mardalan tu Laut Mate magotap ma i sude, lopus tarbaen halak Israel taripar di tano na mahiang tu inganan na di tongtang ni Jeriko.

JOSUA 3:16 Iomraidhean Croise

PAMUNGKAAN 14:3

Saroha ma raja na lima i mambaen hadomuan jana dipasada halahi ma tentara ni halahi di Rura Sidim, na margoar Laut Mate saonnari.

1 RAJA-RAJA 7:46

Mangihutkon parenta ni raja do sudena i, na dituang di tuangan ni tumbaga na di antara ni Sukot dohot Zaretan di Rura Jordan.

MASMUR 114:3

Mangaligi i, Laut Galoga pe gabe marlojong, jana Batang aek Jordan marbalik tu julu.

MASMUR 114:5

Ale Laut, biasi he marlojong ho? Ale Batang aek Jordan, biasi marbalik ho?

MASMUR 29:10

Guru di kuaso ni Tuhan do aek na oto, jana Ia do na mamarenta salolot-lolotna, Ia do.

MASMUR 33:7

Sude aek laut dipalagut Ia di sada inganan, ditahan Ia laut na bidang anso ulang jabat marlobian.

MASMUR 66:6

Dipauba Ia laut i gabe tano na hiang, ditaripari ompunami do i mardalan pat. Dibaen i marjop ni roha hami hara ni sude pambaenanNa i.

MASMUR 74:15

Dibaen Ho do mual dohot batang aek na mardalan, dipahiang Ho batang aek na godang.

MASMUR 77:19

Mardalan do Ho mamolusi galumbang, didalani Ho lautan, hape andegeMu nada haidaan.

MASMUR 78:13

Dibola Ia laut i, jana dipataripar Ia halahi; ditembok Ia aek i, songon tembok.

HARURUAR 14:21

Dung i dipahortang si Musa ma tangannia tu ginjang ni laut i, jana diparo Tuhan ma haba-haba na gogo situtu na mangombus sian Habincaran pola sumurut aek i. Manyipat saborngin i sai mangombus haba-haba na gogo i mambaen laut i marbola dua jana maruba gabe tano na mahiang.

HARURUAR 14:22

Mabola ma aek i, taripar ma halak Israel di laut i, mardalan di tano na mahiang na marpanembok aek di siamun siambirang.

HARURUAR 14:29

Hape di na taripar halak Israel di laut i, mardalan di tano na mahiang do halahi, martembok aek di siamun siambirangna.

HARURUAR 15:8

Diombus Ho do laut i, jana marbalun songon dolok na gincat; jongjong tingkos songon panambok; gabe pir tandolan ni laut i.

JESAYA 50:2

Biasi nada adong na ro umpe sahalak sian bangsongKi, di na ro Au marpio halahi? Adong he na so sanggup Au dietong roha ni halahi paluahonsa umbaen na sip sajo halahi? Nada he sumurut aek ni laut hara ni parentangKu, Hupauba batang aek gabe padang manyahatang, gabe mate ihan sudena?

JEHESKIEL 47:8

Didok ia ma tu au, “Mamolus tu Habincaran do batang aek on manyalpui luat on lalu tu Rura ni Batang aek Jordan lopus tu Laut Mate. Muda dung lalu aekna tu bagasan Laut Mate, digonti ia ma aek laut na ancim i dohot aek tawar.

NAHUM 1:4

Diondam Ia laut jana dipahiang Ia, sude batang aek di pahiang Ia. Gabe harsang Dolok Karmel dohot angka padang na di Basan jana di Libanon malos ma sude angka bunga.

HABAKUK 3:8

Maradopkon angka batang aek ma he? Maradopkon angka batang aek ma he hamumurukMu? Dipanaek Ho do ombun songon tompangan, di na nilehenmu di bangsoMu hamonangan.

BILANGAN 34:3

Balok di Selatan marginjang sian Halongonan Zin manopi-nopi parbalohan dohot Edom. Di sabola Habincaran gurat ni parbalohan i mamungka sian ujung ni Selatan ni Laut Mate,

PANGARATAION 1:1

Di buku on tarsurat do angka hata na nipasahat ni si Musa tu bangso Israel dompak di halongonan na di Habincaran ni Batang aek Jordan halahi. Di Rura Jordan na di lambung ni kota Sup do halahi topet, di holang-kolang ni kota Paran di sada ipar dohot kota Tafel, Laban, Haserot dohot Di-Zahab sabariba nari. (

PANGARATAION 3:17

Di Hasundutan manggistang ma tano ni halahi lopus tu Batang aek Jordan, sian Dano Gilead di Utara lopus tu Laut Mate di Selatan, torus tu pat ni Dolok Pisga di Habincaran.

JOSUA 12:3

songon i muse luat na di Habincaran ni Jordan sian Dano Galilea tu Selatan lopus tu Bet-Jesimot (di Timur Laut ni Laut Mate), lalu tu pat ni Dolok Pisga.

JOSUA 15:2

mamungka sian ujung ni Laut Mate,

JOSUA 16:7

Sian i mijur ma garis i tu Atarot dohot Naharat, lalu torus tu Jeriko jana marujung ma i di Batang aek Jordan.

JOSUA 3:13

Disi naron didegehon angka malim na mamorsan Poti Parjanjian ni Tuhan i patna tu bagasan aek di Batang aek Jordan i, magotap ma pardalan ni aek i, jana tartembok ma aek na ro sian julu di sada inganan.”

JOSUA 4:22

tama do caritohononmunu tu halahi na masa taringot tu halak Israel na manaripari Batang aek Jordan on di ginjang ni tano na mahiang.

JOSUA 5:1

Dibege sude raja-raja ni Amori na di Hasundutan ni Batang aek Jordan, dohot sude angka raja ni Kanaan na di topi ni Laut Tonga ma, na nipahiang ni Tuhan Batang aek Jordan salolot mamolus halak Israel di batang aek i lopus lalu halahi di bariba. Jadi gabe mabiar ma angka raja i jana humitir hara ni halak Israel.

HAKIM-HAKIM 7:22

Di na nipalu ni si Gideon dohot angka donganna i sarune i, dibaen Tuhan ma tentara ni musu i marsialoan na sada tu na asing marsitampulan dohot podang. Marlojong ma halahi adop Zarerah lopus tu Bet-Sita dohot kota Abel-Mehola na di lambung Tabat.