JOSUA 3:1 - BIBEL JAMITA NA DENGGAN

¹ Ancogotna i, sogot sajo dope ngot ma si Josua dohot sude rayat ni Israel, ditadingkon halahi ma parbandaran ni halahi di Sitim, jana kehe ma halahi tu Batang aek Jordan. Disi ma halahi marbandar lalu painte-intehon hatihana laho manyiborang.

JOSUA 3:1 Iomraidhean Croise

PAMUNGKAAN 21:14

Manyogotna i dipasahat si Abraham ma tu si Hagar saotik sipanganon dohot aek di bagasan kantongan kulit anso adong bohal di dalan. Dipaompahon ia ma dakdanak i tu tanggurung ni si Hagar jana disuru ia ma kehe anakboru i. Jadi kehe ma si Hagar jana madangadang ma ia di padang parhorsihan Berseba.

PAMUNGKAAN 22:3

Manyogotna i dung torang ari, ditahai si Abraham ma soban baen tu haul situtungon i, dibobok ia ma i dibaen ia tu tanggurung ni halodenia. Dioban ia ma si Ishak dohot dua halak hatobannia, jadi kehe ma halahi mandapotkon inganan na nidok ni Debata i tu si Abraham.

MASMUR 119:60

Huompoti nada pola hupalalap laho mandalankon parentaMu.

JEREMIA 25:3

“Mamungka sian taon patolu bolaskon dung mamarenta si Josia anak ni si Amon, raja di Juda, lopus tu sadari on, jadi madung dua pulu tolu taon honokna, hata ni Debata dipalalu tu au, jana nada unjung lupa au palaluhon hata i tu hamu, tapi nada ra hamu manangihonsa.

JEREMIA 26:5

Angkon laing parrohahononmunu muse do hata ni naposongKu, i ma angka panurirang na sai marpupu Husuru tu hamu. Hape nada ra hamu mangoloi sanga aha na didok ni halahi.

JEREMIA 7:13

Haru pe marpupu Au mandok hata tu hamu, na so ditangihon hamu do i. Sude do dosa i dipambaeni hamu, jana nada ra hamu mangalusi muda Hupiohon hamu.

MIKA 6:5

“Ale bangsongKu, ingot hamu ma sanga aha na nisangkapan ni si Balak raja ni Moab i tu hamu, jana aha do alus ni si Bileam anak ni si Beor i tusia. Ingot hamu ma sanga aha na tarjadi di pardalanan antara ni parbandaran na di Sitim dohot na di Gilgal. Anggo diingot hamu do sudena i, torang do botoonmunu sanga aha na dung Hupatupa laho paluahon hamu.”

BILANGAN 25:1

Dompak marbandar halak Israel di Rura Sittim, mamungka ma adong na marcampur sian angka halaklahi dohot angka boru Moab na adong disi.

MARKUS 1:35

Ancogotna i taran golap dope ari, ngot ma Jesus. Kehe ma Ia tu balian tu inganan na lungun. Martangiang ma Ia disi.

JOSUA 2:1

Dung i disuru si Josua ma tu Kanaan dua halak mata-mata sian parbandaran na di Sitim. Diparentahon do mata-mata sidua halak i laho manangkasi tano Kanaan di na buni, lumobi kota Jeriko. Jadi kehe ma sidua halak i tu kota i, jana marborngin ma halahi di bagas ni sada dadaboru jalang na margoar si Rahab.

JOSUA 6:12

Ancogotna i sogot sajo dope, ngot ma si Josua jana marbaris ma padua nolina angka malim dohot tentara i manghaliangi kota i songon parjojor ni barisan na di ari parjolo i: Mula-mula barisan ni pangawal parjolo, dung i pitu halak malim siombus sarune, diihutkon angka malim na mamorsan Poti Parjanjian jana ujungna barisan pangawal na parpudi. Laing torus ma anggo sarune i dipalu.

JOSUA 6:15

Di ari papituhon ngot ma halahi di na mamungka bincar mataniari, lalu dihaliangi halahi ma kota Jeriko i sarupa dohot na parjolo i, tapi hum di na sadari i do kota i dihaliangi halahi pitu noli.

JOSUA 7:16

Ancogotna i sogot sajo dope, dipaadop si Josua ma halak Israel tu Debata, marhorong-horong; gabe hona ma Marga Juda.

JOSUA 8:10

Sogot dope ngot ma si Josua jana diparentahon ia ma anso marlagut parangannia. Dung i kehe ma ia rap dohot angka pamimpin ni halak Israel i maroban parangan i tu Ai.

HAKIM-HAKIM 20:19

Ancogotna i kehe ma angka halak Israel i lalu marbandar ma halahi di lambung ni kota Gibea.

1 SAMUEL 17:20

Ancogotna i manyogot dope, ngot ma si Daud, lalu markobas, dipasahat ia ma biri-birinia i tu sada halak na manjago, dung i dibuat ia ma siobanonnia lalu kehe ma ia songon na niparentahon ni amangnia i. Di parlalunia i topet ma diparkehe ni halak Israel tu galanggang ni porang lalu marsurakkon sora ni porang.