JOSUA 24:7 - BIBEL JAMITA NA DENGGAN

⁷ pio-pio ma halahi tu au mangido tolong. Jadi gabe manggolap Hubaen inganan antara ni halahi dohot angka halak Mesir i, jana Huparo aek ni laut mangalingkup angka halak Mesir i lopus bonom halahi sudena. Pendekna, sanga aha na Hubaen maradopkon Mesir, sudena i diboto hamu do. Dung i honok sajo ma hamu maringanan di parhorsihan.

JOSUA 24:7 Iomraidhean Croise

HARURUAR 14:10

Dung diida halak Israel mur donok raja Mesir dohot tentarania i, sun ma biar ni halahi, jana pio-pio ma halahi tu Tuhan mangido pangurupion.

HARURUAR 14:20

di antara ni halak Mesir dohot halak Israel. Gabe golapan ma sude halak Mesir i hara ni ombun i, hape anggo di halak Israel torang do, jabat nada tarbaen padonok-donok parangan na dua i.

HARURUAR 14:31

Dung diida halak Israel ditaluhon Tuhan halak Mesir i markite-hite kuaso na godang, tarhalomong ma halahi tu Tuhan. Porsaya ma halahi tuSia dohot tu si Musa naposoNa i.

PANGARATAION 1:46

Dung salpu i, lolot sajo ma hita maringanan di Kades.”

PANGARATAION 2:14

I ma na masa di taon patolu pulu salapankon dung tatadingkon Kades-Barnea. Madung marujung ngolu ni sude tentara na sangoncap i, songon na nilumbahon ni Tuhan humani.

PANGARATAION 29:2

Disuru si Musa ma marlagut sude halak Israel, jana didok ia ma tu halahi, “Madung diida hamu sandiri sanga aha na nibaen ni Tuhan maradopkon raja ni Mesir, angka menterina dohot tu sude luatna i.

PANGARATAION 4:34

Jungada ma he adong sada debata na puluk mambuat sada bangso sian bangso na asing lalu mambaen halahi bangsonia sandiri, songon na nibaen ni Tuhan Debatamunu di hamu di Mesir? Diida hamu sandiri do sanga songon dia godang ni hagogoon ni Debata parohon parmaraan dohot porang, mambaen angka hahomangan dohot patuluskon angka pangalaho na jorbut.

IBRANI 3:17

Jana ise dehe na nimuruhan pola opat pulu taon honokna? Nada he angka na mardosa na marmatean di parhorsihan i lakna?

JOSUA 5:6

Boti muse, angka halaklahi na haruar sian Mesir na dung tuk umurna masuk tentara, di ujung ni ombas siopat pulu taon i madung mate sudena patunda ni na so mangoloi parenta ni Tuhan. Jana hombar tu sumpa ni Tuhan, nada diisinkon Tuhan halahi marnida tano na makmur jana na napu i na nijanjihon ni Tuhan tu ompu na umpompar halahi.