JOSUA 24:10 - BIBEL JAMITA NA DENGGAN

¹⁰ Tapi nada Huterge si Bileam; gabe nada mamurai ia tu hamu tapi mamasumasu do. Songon i ma Hubaen laho paluahon hamu sian si Balak.

JOSUA 24:10 Iomraidhean Croise

JESAYA 54:17

Tapi anggo sinjata na dipaadop tu ho, nada margogo i mamugangi ho. Jana tu sude tuduan, hata ro do di ho hata alusan. Huampini angka naposongKi anso sai monang.” Songon i ma pandok ni Tuhan.

MIKA 6:5

“Ale bangsongKu, ingot hamu ma sanga aha na nisangkapan ni si Balak raja ni Moab i tu hamu, jana aha do alus ni si Bileam anak ni si Beor i tusia. Ingot hamu ma sanga aha na tarjadi di pardalanan antara ni parbandaran na di Sitim dohot na di Gilgal. Anggo diingot hamu do sudena i, torang do botoonmunu sanga aha na dung Hupatupa laho paluahon hamu.”

BILANGAN 22:35

Didok Surusuruan Ni Tuhan i ma, “Ihutkon sajo ma angka jolma i. Tapi hum na Husuru do tola dohononmu.” Dung i ditoruskon si Bileam ma dalanna rap dohot suruan ni si Balak i.

PANGARATAION 23:5

Hape nada ra Tuhan Debatamunu manangihon si Bileam. Mur dipabalik Tuhan noma bura i gabe pasupasu, hara ni holong ni rohaNia di hamu.

JOSUA 24:11

Dung i ditaripari hamu ma Batang aek Jordan, lalu ma hamu di Jeriko. Diporangi halak Jeriko do hamu, songon i halak Amori, halak Peris, Kanaan, Het, Girgasi, Hewi dohot halak Jebus. Tapi Hutaluhon do halahi sudena di hamu.