JOSUA 23:9 - BIBEL JAMITA NA DENGGAN

⁹ Anggo angka bangso na godang boti na gogo madung dipaorot Tuhan sian hamu; sada halak pe nada adong na tahan mangalo hamu.

JOSUA 23:9 Iomraidhean Croise

1 RAJA-RAJA 21:26

Dipambaeni si Ahab do angka dosa na paila-ilahon; disomba ia do gana-ganaan songon pambaen ni halak Amori, i ma angka jolma na niusir ni Tuhan morot sian tano Kanaan di parmasuk ni halak Israel tu luat i.

2 JUJUR TAON 20:7

Ho do Debatanami. Dompak na ro bangsoMu Israel tu luat on, dipaorot Ho do angka jolma na maringanan hatiha i dison. Lalu dilehen Ho luat on tu pomparan ni si Abraham, ale-aleMi anso gabe tano nampuna ni halahi sandiri sapanjangna.

HARURUAR 23:23

Joloanan ni surusuruanKi ma hamu jana obanonnia hamu tu luat ni halak Amori, halak Het, halak Peris, halak Kanaan, halak Hewi dohot halak Jebus, jana haromkononKu ma halahi sude.

HARURUAR 23:30

Mardeba-deba do usironKu halahi, lopus tuk bahatmunu laho mamasuhi tano i.

BAENON NI ANGKA RASUL 7:45

Dung i sai dipaoban-oban angka ompunta i ma undung-undung i di na kehe halahi dohot si Josua mangarampas luatta on sian tangan ni angka bangso na niayak ni Debata di jolo ni halahi. Laing disi ma undung-undung i lopus tu hatiha ni si Daud.

PANGARATAION 11:23

Gabe paoroton ni Tuhan ma sude bangso i di jolomunu, jana ingananmunu ma tano ni angka bangso na gumodang jana na gumogo i sian hamu.

PANGARATAION 7:24

Pasahaton ni Tuhan angka raja ni halahi tu bagasan kuasomunu. Bunuonmunu ma halahi, jana halupahonon ma halahi saulahon. Sada halak pe nada adong na tarbaen mangambati hamu; sandok halak angkon abiskononmunu.

JOSUA 1:5

Salolot di ngolumu ale Josua, sada halak pe nada adong na tolapsa manaluhon ho. Angke sai dongananKu do ho songon pandonganingKu di si Musa. Sai na tongtong do ho dongananKu. Nada unjung tadingkononKu ho.

JOSUA 15:14

Pomparan ni si Enak i, i ma angka halak: Sesai, Ahiman dohot Talmai. Madung dipaorot si Kaleb sudena halahi sian Hebron.

JOSUA 23:5

Baenon ni Tuhan Debatamunu angka bangso i talu, jana maporus sian hamu muda kehe hamu mamorangi halahi. Hamu noma nampuna luat ni halahi, songon na dung dijanjihon ni Tuhan Debatamunu tu hamu.

JOSUA 23:8

Tapi, sai tongtong ma hamu unduk tu Tuhan, songon na dung unduk hamu tuSia lopus tu sadari on.

JOSUA 24:18

Jana di hatiha na masuk hita tu luat on, diusir Tuhan do morot sude halak Amori na maringanan dison. Jadi, giot mangoloi tu Tuhan do hami, angke Ia do antong Debatanta.”