JOSUA 23:7 - BIBEL JAMITA NA DENGGAN

⁷ Jana ulang jabat margaul hamu sanoli on dohot angka jolma na sian bangso-bangso na tinggal i dope di tonga-tongamunu. Jana ulang muse dokkon-dokkon hamu goar ni angka debata ni halahi, sanga marsumpa mangasahon goarna i. Ulang marhaul sanga manyomba hamu tu angka debata i.

JOSUA 23:7 Iomraidhean Croise

2 RAJA-RAJA 5:18

Muda pe sanoli on angkon dongananniba rajanami muda kehe ia tu bagas pamelean ni Rimmon debata ni halak Siria, laho marsomba, sai ibo ma roha ni Tuhan laho mangampuni au.”

2 JUJUR TAON 7:19

Tapi anggo dilanggar ho dohot rayatmi angka uhum dohot angka parentangKu jana marsomba hamu tu angka debata,

MASMUR 16:4

Halak na manyomba debata sileban parohon mara tu dirina sandiri. Nada ra au marhaul tu debata sileban, bope hum mandok goar ni halahi.

HARURUAR 20:5

Ulang unduk marsomba tusia sanga maribadat tusia, angke Au, Tuhan, Debatamu, i ma Debata na so ra padiarkon adong imbangKu. UhumanKu do sanga ise na margoyak ni roha di Au lopus tu sundut patoluhon dohot paopatkon.

HARURUAR 23:13

Tangihon hamu ma sanga aha na Hudok tu hamu, Au sandiri Tuhan na mandok tu hamu. Ulang martangiang hamu tu angka debata na asing, hum mandok goarna pe indangkon.”

HARURUAR 23:33

Ulang padiar-diar hamu halahi mangingan-ingani luatmunu i; harana anggo dipadiar hamu do halahi disi, gabe mardosai do hamu baenon ni halahi. Muda disomba hamu angka debata ni halahi, madabu do hamu tu tirangkap ni hamatean.”

PODA 4:14

Ulang ho kehe tu angka inganan na somal didapotkon halak na jahat. Ulang tiru parbuatan ni halahi.

JEREMIA 12:16

Muda ra halahi manjagit ugamo ni bangsongKu sian sandok roha ni halahi jana ra manyumpahon marhite na mandok, ‘Mangasahon Tuhan na mangolu i,’ – songon na niajaran ni halahi najolo bangsongKu marsumpa mangasahon Baal jadi gabe tarmasuk ma halahi gabe bangsongKu jana gabe maduma.

JEREMIA 5:7

Bia do lakna, bisa dope ampunanKu hamu? Madung ditadingkon angka anakmu Au, jana marsumpa marhitehon na so debata. Dung Hupabutong halahi, marmainan do halahi jana kehe tu bagas parkarosuan.

HOSEA 2:17

Dung i padaoonKu ma goar ni angka Baal sian pamanganmu gabe nada dokkonon be goar ni halahi.

ZEPANYA 1:5

Ias haisonKu sude sanga ise na manaek tu tarup laho manyomba mataniari, bulan dohot angka bintang. AbiskononKu muse dope halahi na manyomba Au jana na marsumpa mandok setia tu Au, hape marsumpa muse halahi mangasahon goar ni Debata Milkom.

BILANGAN 32:38

Nebo, Baal-Meon (digonti do goar ni kota on dohot Sebam). Angka kota na nipauli ni halahi mangulahi digonti halahi dohot goar na imbaru.

BILANGAN 33:55

Muda so ra na mangingani luat i dipaorot hamu gabe i ma na manyusai hamu songon horsik di mata sanga songon duri di pat muse gabe porangan ni halahi ma hamu.

1 KORINTUS 15:33

Ulang jabat tarpaoto-oto hamu! Muda dipardongan hamu halak na jahat, gabe jahat muse do parangemunu na denggan i.

EPESUS 5:11

Ulang dohoti hamu angka jolma na mambaen parange na golap angka na so marguna. Gumonanan do gorahon hamu angka na songon i. (

PANGARATAION 10:20

Habiari hamu ma Tuhan Debatamunu, jana tuSia sajo ma hamu mangoloi. Sai hot ma hamu setia tuSia jana mangasahon goarNia ma baen hamu angka janjimunu.

PANGARATAION 6:13

Habiari ma Tuhan Debatamu jana mangoloi tuSia sajo ma ho jana janjimu pe di bagasan goarNia sajo ma baen.

PANGARATAION 6:14

Ulang oloi debata na asing, sanga debata ni angka bangso na humaliang ho.

JOSUA 23:12

Muda nada setia be hamu, gabe diihutkon hamu angka bangso na tinggal i dope di tonga-tongamunu jana marbagasi hamu dohot halahi,

JOSUA 23:8

Tapi, sai tongtong ma hamu unduk tu Tuhan, songon na dung unduk hamu tuSia lopus tu sadari on.