JOSUA 23:3 - BIBEL JAMITA NA DENGGAN

³ Madung diida hamu sandiri sandok na nipatupa ni Tuhan Debatamunu maradopkon sude bangso-bangso na dison hara ni hamu. Tuhan Debatamunu i sandiri do na marporang humopkop hamu.

JOSUA 23:3 Iomraidhean Croise

HARURUAR 14:14

Tuhan do marporang humopkop hamu, jana nada porlu sanga aha baenonmunu.”

HARURUAR 19:4

“Madung diida hamu sanga aha Na Hubaen, Au Tuhan mambaensa maradopkon halak Mesir, jana sanga songon dia Hubaen maroban hamu tu Au di inganan on mardongan kuaso na godang songon unggas rajawali na maroban anakna di ginjang ni habongna.

JEHESKIEL 20:28

Huoban ma halahi tu tano na dung Hujanjihon tu halahi. Di na niida ni halahi angka dolok na gincat dohot angka hayu na rumbun, dipelehon halahi ma haul tu sude hayu dohot dolok i. Dialap-alapi halahi ma anso muruk au marhite angka haul situtungon dohot pelean anggur ni halahi i.

MALEAKI 1:5

Idaon ni halak Israel ma i dohot mata ni halahi sandiri jana dokkonon ni halahi ma, “Na godang ma da antong Tuhan; salang tu ruar ni tano Israel pe lalu do kuasoNia!”

PANGARATAION 1:30

Tuhan Debatamunu do mamimpin hamu dohot marporang humopkop hamu songon na dung niidamunu sandiri di Mesir

PANGARATAION 20:4

Kehe do Tuhan Debatamunu mandongani hamu jana lehenonNia do hamonangan di hamu.’

PANGARATAION 4:9

Parrohahon jana denggan ingot hamu, anso ulang lupa hamu sapanjang mangolu di sude na nisaksihonmunu sandiri. Baritahon hamu ma i di pomparanmunu,

PANGARATAION 7:17

Ulang dokkon hamu di bagasan rohamunu na umbahat do bilangan ni angka bangso i sian hamu gabe nada tarpaorot hamu halahi.

PANGARATAION 7:24

Pasahaton ni Tuhan angka raja ni halahi tu bagasan kuasomunu. Bunuonmunu ma halahi, jana halupahonon ma halahi saulahon. Sada halak pe nada adong na tarbaen mangambati hamu; sandok halak angkon abiskononmunu.

JOSUA 10:14

Nada jungada tarjadi songon i jana indangkan na tarjadi muse be ari songon i, disi diihutkon Tuhan hagiot ni jolma, marporang Tuhan di pihak ni Israel!

JOSUA 10:42

Di bagasan sada parporangan sajo, madung talu sude raja-raja i dohot luat na nigomgoman ni halahi dibaen si Josua, angke Tuhan Debata ni Israel do marporang di Israel.

JOSUA 23:10

Ganop halak sian tonga-tongamunu tolapsa do manaluhon marribu halak, angke Tuhan Debatamunu do antong na marporang di hamu, laing songon na nijanjihonNa i.