JOSUA 23:10 - BIBEL JAMITA NA DENGGAN

¹⁰ Ganop halak sian tonga-tongamunu tolapsa do manaluhon marribu halak, angke Tuhan Debatamunu do antong na marporang di hamu, laing songon na nijanjihonNa i.

JOSUA 23:10 Iomraidhean Croise

2 SAMUEL 23:8

Angka on ma perwira ni si Daud na tarbonggal goarna. Na parjolo i ma si Isbaal na sian Hakhmoni, na mamimpin “Pasukan Sitolu” (Triwira). Jungada do di sada parporangan dialo ia salapan ratus halak jana dimatehon ia sude dohot tombaknia.

1 JUJUR TAON 5:20

Ditaluhon halahi do sude jolma i, angke porsaya do angka parajurit i tu Debata jana mangido tolong tuSia do halahi; jadi dioloi Debata pangidoan ni halahi i jana dilehen ma hamonangan di halahi.

MASMUR 35:1

Tuhan, alo ma sanga ise na mangalo au, porangi ma sanga ise na mamorangi au.

MASMUR 46:7

Didongani Tuhan Na Markuaso i do hita, diondihon Debata ni si Jakob do hita.

HARURUAR 14:14

Tuhan do marporang humopkop hamu, jana nada porlu sanga aha baenonmunu.”

JESAYA 30:17

Hum mida sada halak tentara ni musu pe, maporus ma hamu saribu halak, jana lima halak pe tentara ni halahi diida hamu, tuk ma i mambaen maporus hamu sudena. Na tading sian tentaramunu hum sada tiang ni mandera noma di ginjang ni puncut ni dolok.

HAMALIMON 26:7

Taluhononmunu ma musumunu.

HAMALIMON 26:8

Lima pe sian hamu tarbaen mangalo saratus, jana saratus tarbaen mangalo sampulu ribu.

ZAKARIA 12:8

OndihononKu ma di ari i pangisi ni Jerusalem; salang jolma na gumale sian halahi gabe songon gogo ni si Daud. Togu-toguon ni pomparan ni si Daud ma halahi songon SurusuruanKu, olo tutu, songon panogu-noguonKu sandiri.

SURAT NI SI PAULUS TU PARLAGUTAN ROM 8:31

Aha ma he tardok hita taringot tu sudena i? Muda Debata donganta, ise ma he tarbaen mangalo hita?

PANGARATAION 20:3

‘Hamu angka donganku sabangso! Di ari sadari on, na giot kehe ma hamu marporang. Ulang hamu mabiar tu angka musumunu i, sanga lepe, sanga pe golap rohamunu.

PANGARATAION 20:4

Kehe do Tuhan Debatamunu mandongani hamu jana lehenonNia do hamonangan di hamu.’

PANGARATAION 28:7

Muda ro musu mamorangi ho, taluhonon ni Tuhan ma halahi. Sian sada dalan do halahi ro mamorangi, tapi maporus ma halahi sian ho tu pitu dalan.

PANGARATAION 3:22

Ulang ho mabiar tu halahi, angke Tuhan Debatamu do na giot marporang di ho.’ ”

PANGARATAION 32:20

Didok ma, ‘Nada parduli Au di halahi, bangso sijogal roha na so setia i.’

PANGARATAION 32:30

Biasi talu saribu dibaen na sada jana saratus ribu dibaen na dua alona? Na ditadingkon Tuhanna do halahi dipalapas Debata na gumogo i.

JOSUA 10:42

Di bagasan sada parporangan sajo, madung talu sude raja-raja i dohot luat na nigomgoman ni halahi dibaen si Josua, angke Tuhan Debata ni Israel do marporang di Israel.

JOSUA 23:11

Hara ni i, ingot hamu ma laho manghaholongi Tuhan Debatamunu.

JOSUA 23:3

Madung diida hamu sandiri sandok na nipatupa ni Tuhan Debatamunu maradopkon sude bangso-bangso na dison hara ni hamu. Tuhan Debatamunu i sandiri do na marporang humopkop hamu.

HAKIM-HAKIM 15:15

Dung i adong ma dapot ia holi-holi isang-isang ni halode na baru mate. Dibuat ia ma holi-holi i, i ma dipake ia laho mamukuli saribu halak lopus mate.

HAKIM-HAKIM 3:31

Pamimpin na mangihut muse i ma si Samgar anak ni si Anat. Ia pe marporang do laho paluahon halak Israel. Dibunu ia do onom ratus halak Pilistin dohot tungkot pangayak ni lombu.

1 SAMUEL 14:6

Jadi didok si Jonatan ma tu doli-doli i, “Beta tu benteng ni Pilistin kapir i. Betak na tolongan ni Tuhan do hita. Angke tarlehen Tuhan do hamonangan, marhite bahat halak bope marhite na saotik halak.”