JOSUA 23:1 - BIBEL JAMITA NA DENGGAN

¹ Dilehen Tuhan ma hasonangan di halak Israel; nada adong be angka ancaman ni musu mangganggu halahi. Lolot-lolot dung salpu i, si Josua pe madung matobang situtu.

JOSUA 23:1 Iomraidhean Croise

1 RAJA-RAJA 1:1

Madung tobang situtu Raja Daud. Haru pe dilehen disia ulos sian abit na hapal, sai tongtong do ia ngalian.

1 JUJUR TAON 23:25

Didok si Daud ma, “Aman do dibaen Tuhan Debata ni Israel ngolu ni bangsoNia, jana maringanan di Jerusalem do Ia sandiri salolot-lolotna.

1 JUJUR TAON 27:1

Anggo urusan salaho tu na mamarenta di harajaan Israel, angka kapala ripe dohot pamimpin ni marhorong-horong dohot angka na markarejo disi do mangatur i. Ganop taon margeler ma markarejo sabulan be ganop rombongan, na nipimpin ni kapalana be. Dua pulu opat ribu halak ma sarombongan. Angka on ma goar-goar ni kapala rombongan na markarejo ganop bulan: Bulan parjolo: Si Jasobam anak ni si Zabiel (sian horong ni si Peres do ia – Marga Juda). Bulan paduahon: Si Dodai, pomparan ni si Ahohi (si Miklot ma wakilna). Bulan patoluhon: Si Benaya anak ni Malim Joyada; pamimpin ni “Tridasawira” do ia. (Si Amisabad anaknia i do panggontinia.) Bulan paopatkon: Si Asael anggi ni si Joab (si Zebaya anaknia i do manggonti ia). Bulan palimahon: Si Samhut, pomparan ni si Jisrah. Bulan paonomkon: Si Ira anak ni si Ikesi sian kota Tekoa. Bulan papituhon: Si Heles pomparan ni si Efraim sian kota Peloni. Bulan pasalapankon: Si Sibkai na sian kota Husa (sian horong Zerah do ia, Marga Juda). Bulan pasambilankon: Si Abieser sian kota Anatot na di luat ni Marga Benyamin. Bulan pasampuluhon: Si Maharai, pomparan ni si Zerah na sian kota Netofa. Bulan pasabolaskon: Si Benaya na sian kota Piraton na di luat ni Marga Efraim. Bulan padua bolaskon: Si Heldai pomparan ni si Otniel na sian kota Netofa.

2 JUJUR TAON 14:1

Dung marujung ngolu ni Raja Abia jana dikuburkon di kuburan ni raja-raja na di Kota Ni si Daud, gabe raja ma anaknia si Asa manggontihon ia. Di toru ni pamarentaon ni si Asa marhasonangan do tano Israel sampulu taon lolotna.

2 JUJUR TAON 14:5

Sude inganan pamelean ni gana-ganaan dohot inganan panutungan ni dupa dipaorot ia do sian angka kota ni Juda. Jadi gabe sonang ma harajaan i di hatiha ia mamarenta,

2 JUJUR TAON 20:30

I do dalanna umbaen na sonang si Josafat mamarenta jana dilehen Tuhan tusia antong dame di sude luatnia.

MASMUR 46:9

Diantak Ia do parporangan di tano on sudena, diropuk Ia angka parkokas ni porang jana ditutungi Ia.

JESAYA 63:14

Dioban Tuhan halahi tu inganan paradianan songon pahanan na niiring laho tu padang manjampali. Ia sandiri do manogu halahi, anso dipagodang halak goarNia.

PANGARATAION 31:2

ning ia ma, “Saonnari madung marumur au saratus dua pulu taon jana nada lobas au be mamimpin hamu. Boti muse madung didokkon Tuhan na so tariparanku Batang aek Jordan i.

JOSUA 11:23

Dirampas si Josua ma sude luat i songon na dung diparentahon ni Tuhan tu si Musa. Dung i dilehen ia ma luat i jana dibagi-bagihon tu bangso Israel gabe halahi puna; sabagian be ma ganop marga. Mantak muse ma bangso Israel na marporang i.

JOSUA 13:1

Madung matobang situtu si Josua saonnari. Didok Tuhan ma tu si Josua, “Madung matobang ho, ale Josua! Hape bahat dope luat sibuaton:

JOSUA 21:44

Jadi domu tu na dung dijanjihon Tuhan tu ompu na umpompar angka halak Israel i, dijagohon Tuhan ma antong sude luat i gabe sonang. Sian sude angka musu ni halahi i umpe adong sada na tolap mangalo halahi, angke dilehen Tuhan do hamonangan di halak Israel maradopkon angka musu ni halahi.

JOSUA 22:4

Antong, domu tu na dijanjihonNa i, madung dilehen Tuhan Debatamunu i hasonangan tu angka kahanggimunu sabangso. Jadi saonnari, mulak ma hamu tu tanomunu sandiri, na di Habincaran ni Batang aek Jordan i, na nilehen ni si Musa najolo tu hamu.

1 SAMUEL 12:2

Mamungka saonnari ia noma na mamimpin hamu. Anggo au madung matobang. Madung lolot sajo au mamimpin hamu – sian haposoonku dope lopus saonnari. Angka dakdanakku na dung magodangi i ma tandana.