JOSUA 22:9 - BIBEL JAMITA NA DENGGAN

⁹ Jadi mulak ma Marga Ruben, Gad dohot Marga Manase Parhabincaran tu tano ni halahi. Ditadingkon halahi ma halak Israel na asing i di Silo na di tano Kanaan, lalu kehe ma halahi tu tano ni halahi sandiri, i ma tano Gilead. Hara ni parenta ni Tuhan markite-hite si Musa do diingani halahi tano i.

JOSUA 22:9 Iomraidhean Croise

2 SAMUEL 2:9

Diparaja si Abner ma si Isboset di angka luat ni Gilead, Asuri, Jisreel, Efraim dohot Benyamin, maradu sude Israel.

1 JUJUR TAON 5:9

Bahat sajo do pahan-pahanan ni halahi di Luat Gilead. Jadi hara ni i ma umbaen na niinganan ni halahi luat sabola Habincaran lopus tu parhorsihan na manggistang lopus tu Batang aek Efrat.

MASMUR 60:7

Au do nampuna Gilead dohot Manase, Efraim kupia bajangku jana Juda tungkot harajaonKu.

BILANGAN 32:1

Angka Marga Ruben dohot Gad, bahat situtu do pahan-pahananna. Dung diida halahi denggan ni tano Jaeser dohot tano Gilead panjampalan ni pahan-pahanan,

BILANGAN 32:20

Dialusi si Musa ma, “Muda tutu do sian ias ni rohamunu na nidokmunu i, denggan ma dison hamu, hobas hian ma hamu laho marporang.

BILANGAN 32:22

lalu mangarampas luat i. Dung i pe anso tola hamu mulak, angke madung dikarejohon hamu karejomunu di Tuhan i dohot di angka kahanggimu donganmu sabangso. Tuhan i pe, okuonNa do bahaso hamu nampuna tano na di Habincaran on.

BILANGAN 32:26

Anaknami dohot dongan sabagasnami dohot pahan-pahanan, lombu dohot biri-birinami tinggal ma dison, di angka kota na di Gilead.

BILANGAN 32:29

“Muda dioloi halak Gad dohot halak Ruben do parenta ni Tuhan, dohot do halahi manaripari Batang aek Jordan laho marporang jana muda marhite pangurupion ni halahi gabe tarrampas luat i, jadi lehen hamu ma tano Gilead na gabe siteanon ni halahi.

PANGARATAION 3:18

Laing huparentahon do di hatiha i tu halahi: ‘Madung dipasahat Tuhan Debatanta i tu hamu tano na di Habincaran ni Batang aek Jordan baen siinganan. Saonnari, pasingkop hamu ma sinjata ni angka tentaramunu jana suru hamu ma halahi manaripari Batang aek Jordan manjoloi angka marga ni Israel na asing i, laho mangurupi halahi mambuat tano i.

PANGARATAION 3:20

Urupi hamu ma dongan sabangsomunu lopus taringani halahi tano na giot silehenon ni Tuhan di halahi di Hasundutan ni Batang aek Jordan jana lopus tumbuk di roha ni Tuhan sonang ngolu ni halahi, songon na dung dibaenNia tu hamu dison. Dung salpu i tola ma hamu mulak tu tano na dung hupasahat on tu hamu.’

PANGARATAION 34:1

Dung i kehe ma si Musa sian napa ni Moab jana manangkok ma ia tu Dolok Nebo, tu puncut ni Dolok Pisga na di Habincaran ni Jeriko. Disi ma dipatuduhon Debata luat i sude tusia, i ma: Tano Gilead di Utara lopus tu kota Dan;

JOSUA 13:11

Tano Gilead, luat na humaliang Gesur dohot Maaka dohot sude Dolok Hermon, dohot sude Luat Basan lopus tu Salka, sudena luat i laing masuk do i di bagasan bagian ni Marga Ruben, Gad dohot satonga Marga Manase.

JOSUA 13:25

Masuk tu bagian ni halahi do Jaser dohot sude kota na di Gilead dohot satonga sian luat ni bangso Amon marbalok di Aroer na di Habincaran ni Raba;

JOSUA 13:31

Masuk muse dope satonga sian tano Gilead, dohot Astarot dohot Edrei, i ma sidua kota sabungan ni luat na nirajaan ni Raja Og di Basan. Dilehen sude luat i tu satonga marga na sian pomparan ni si Makir anak ni si Manase.

JOSUA 22:10

Di na lalu Marga Ruben, Gad dohot Manase Parhabincaran di Gelilot, – di Hasundutan ni Batang aek Jordan dope i – dipajongjong halahi ma sada langgatan na godang jana na tongam di lambung ni batang aek i.

HAKIM-HAKIM 20:1

Jadi marroan ma sude halak Israel sian Dan di Utara lopus tu Berseba di Selatan, dohot sian Gilead di Habincaran laho mangoloi pio-pio i. Marlagut ma halahi jana marsada di Mispa di adopan ni Tuhan.

HAKIM-HAKIM 5:17

Halak Gilead maringanan di bariba ni Batang aek Jordan, jana Marga Dan biasi tinggal di kapal-kapal? Marga Aser juguk di topi ni laut, umpe ra ia morot sian angka solok-soloknia.