JOSUA 22:8 - BIBEL JAMITA NA DENGGAN

⁸ Dung i didok si Josua ma songon on, “Saonnari mulak ma hamu dohot maroban bahat sinadongan, bahat pahan-pahananmunu, bahat perak, sere, tumbaga dohot bosi jana bahat pakean. Antong, silehenonmunu do sanga aha na nirampasanmunu sian angka musumunu i tu angka dongan samargamunu.”

JOSUA 22:8 Iomraidhean Croise

1 JUJUR TAON 5:9

Bahat sajo do pahan-pahanan ni halahi di Luat Gilead. Jadi hara ni i ma umbaen na niinganan ni halahi luat sabola Habincaran lopus tu parhorsihan na manggistang lopus tu Batang aek Efrat.

2 JUJUR TAON 17:5

Dilehen Tuhan do tu si Josafat parjuguk na togu songon raja ni Juda. Sude do rayat i mangalehen angka silua tusia jana gabe mamora do ia boti dipasangap situtu.

2 JUJUR TAON 32:27

Gabe sun ma kayo ni Raja Hiskia, jana sude halak pasangapkon ia. Dibaen ia ma angka kamar inganan panyimpanan ni artania i, i ma: sere, perak, angka batu intan, parmasak, parince dohot angka barang-barang sigodang arga na asing.

MASMUR 68:12

“Ma pola maporus angka raja dohot paranganna, songon darapati halahi kehe habang.” Di bagas, marbagibagi ma angka dadaboru i perak dohot sere na martadingan i. Haru pe bahat na so dohot marporang, bangso ni Debata do hape na monang.

PODA 3:16

Dilehen habisuhon do di ho umur na ginjang, sinadongan dohot hasangapan.

BILANGAN 31:27

Sude barang na nirampas i angkon dibagi dua, dos bahatna, sabagian ma i tu tentara jana sabagian nari di rayat i.

1 KORINTUS 15:58

Hara ni i hamu ale angka dongan na nihaholongan, sai togu ma hamu jana hot. Marsitutu ma markarejo di Tuhan, angke diboto hamu do, sude na nikarejohonmunu di Tuhan, nada sayang boti sudena i.

IBRANI 11:26

Dihilala si Musa dao dope ummarga maruli incak-incak hara ni Kristus na nijanjihon ni Debata i ulang pado manjagit sasude arta ni tano Mesir; harana upa di ari na giot ro do na nipainte ni si Musa.

1 SAMUEL 30:16

Dung i dipatuduhon ia ma tu halahi dalan tu inganan ni garombolan i. Marserak do di hatiha i garombolan i di sude inganan i, angka mangan, minum dohot marpesta godang do halahi hara ni bahatna barang na hona rampas na nibuat ni halahi sian Luat Pilistin dohot Juda.

1 SAMUEL 30:24

Jadi sada halak pe nada tola adong manjagit usul i! Sudena angkon dapotan bagian do, sarupa be songon halak na dohot marporang.”