JOSUA 22:11 - BIBEL JAMITA NA DENGGAN

¹¹ Jadi gabe sar ma hata-hata on di tonga-tonga ni halak Israel, “Madung dipajongjong angka halak sian Marga Ruben, Gad dohot Manase Parhabincaran sada langgatan di Gelilot, di bagian ni luatta di lambung ni Batang aek Jordan!”

JOSUA 22:11 Iomraidhean Croise

JOHANNES 1:28

Di Betania na di ipar ni Batang aek Jordan do sudena i tarjadi, angke disi do si Johannes mandidihon halak.

JOHANNES 20:1

Andostorang ni Ari Mingguna i kehe ma si Maria Magdalena tu kuburan i. Diida ia ma madung digulang batu panutup ni tanoman i sian baba ni kuburan i.

JOHANNES 20:12

jadi diida ia ma disi dua halak surusuruan marbaju na bontar. Di lambung hapayahan ni bangke ni Jesus i ma surusuruan na dua i juguk. Sahalak juguk sabola uluNa i, sahalak nari juguk sabola patNa i.

PANGARATAION 12:11

Angkon tusi ma hamu kehe maroban sude na dung huparentahon: Haul situtungon dohot haul na asing, haul parsampuluan dohot haul na marhapunjungan na dung nijanjihonmunu tu Tuhan.

JOSUA 2:7

Jadi markehean ma antong suruan ni raja i jana manigor digoruk ma horbangan ni kota i disi haruar halahi. Dijalak-jalahi halahi ma mata-mata ni Israel i lopus tu inganan panariparan di Batang aek Jordan.

JOSUA 22:10

Di na lalu Marga Ruben, Gad dohot Manase Parhabincaran di Gelilot, – di Hasundutan ni Batang aek Jordan dope i – dipajongjong halahi ma sada langgatan na godang jana na tongam di lambung ni batang aek i.

JOSUA 22:16

Jadi songon gonti ni sude halak ni Tuhan, didok halahi ma tu halak na sian Marga Ruben, Gad dohot Manase Parhabincaran i, “Biasi baenonmunu pangalaho na jahat on maradopkon Debata ni Israel? Na mangalo Tuhan do hamu, di na nibaenmunu langgatan di hamu! Nada dipatulus hamu be angka na niparentahonNia!

JOSUA 22:19

Antong hara ni i, muda na so patut do luatmunu i baenon gabe inganan marsomba tu Tuhan, pinda ma hamu tuson tu tano ni Tuhan, di inganan ni Bandar Parmianan Ni Tuhan. Pangido hamu ma deba luatnami on, tapi ulang antong alo hamu Tuhan, sanga mambaen hami mangalo Tuhan marhite na pajongjongkon sada langgatan na asing, angke na dung adong do antong langgatan ni Tuhan Debatanta.

HAKIM-HAKIM 12:5

Diingani halak Gilead na marporang i ma angka inganan panariparan na di Batang aek Jordan, anso tarbaen halahi manangkup angka halak Efraim na giot maporus. Ganop adong halak Efraim na giot maporus, mangido isin anso dipaloas taripar, disapai halak Gilead i ma, “Halak Efraim dehe ho?” Alusanna ma i, “Nada ale.”