JOSUA 21:1 - BIBEL JAMITA NA DENGGAN

^1-2 Sanoli kehe ma angka kapala ripe na sian Marga Levi tu Silo na di Luat Kanaan laho mangadop tu Malim Eleasar, si Josua anak ni si Nun, dohot angka kapala ripe ni sude marga sian bangso Israel. Didok halahi ma, “Markite-hite si Musa madung ditonahon Tuhan parenta anso dilehen angka kota di hami halak Levi baen inganannami jana muse anso laing dilehen di hami tano padang-padang na humaliang angka kota i baen di pahan-pahanannami.”

JOSUA 21:1 Iomraidhean Croise

PAMUNGKAAN 49:7

Hona bura ma halahi di rimasna, hara ni jorbutna. Hona bura ma halahi di rimasna, hara ni kejamna. Paserahonku ma halahi di sude Israel. Sarsarkononku ma halahi, di tonga-tonga ni halak pangisina.

HARURUAR 6:14

Si Ruben, i ma anak siangkaan ni si Jakob, adong do opat anakna i ma: Si Hanokh, si Palu, si Hesron dohot si Karmi. Halak on ma na gabe ompu ni angka marga di horong ni si Ruben; digoari halahi do marga i mangihutkon goar ni halahi.

HARURUAR 6:25

Si Eleasar anak ni si Harun marbagas dohot boru ni si Putiel, anak ni halahi i ma si Pinehas. On ma horong sian Marga Levi.

BILANGAN 35:1

Di tano na hornop na di Moab, donok tu Batang aek Jordan paadop-adop dohot kota Jeriko, didok Tuhan ma tu si Musa,

BILANGAN 35:8

Bahat ni kota ni halak Levi di ganop luat di Marga Israel angkon ditontuhon mangihutkon godang dohot menek ni ganop luat i.”

JOSUA 14:1

Ihut ma muse dison baritana sanga songon dia parbagina Luat Kanaan na di Hasundutan ni Batang aek Jordan di halak Israel. Anggo na marbagi-bagi tano i tu halak Israel, Malim Eleasar do, si Josua anak ni si Nun dohot angka kapala ni marga na sian marga-marga Israel.

JOSUA 17:4

Kehe ma angka boru ni si Zelafehad on mandapotkon Malim Eleasar dohot si Josua maradu angka pamimpin, mandok, “Madung didok Tuhan tu si Musa, anggo hami angkon rap maruli do tano dos dohot angka ibotonami i.” Hara ni i, laing dilehen muse ma tano di angka boru ni si Zelafehad i laing songon iboto ni halahi songon na niparentahon ni Tuhan.

JOSUA 19:51

Songon i ma dibaen Malim Eleasar, si Josua anak ni si Nun dohot angka pamimpin ni angka ripe sian angka marga ni bangso Israel marbagi-bagi tano na di luat i marhite na mandanggurkon undi laho mangido hagiot ni Tuhan. Di Silo do i dibaen halahi di pintu ni Bandar Parmianan Ni Tuhan. Jana dung sidung i, salose ma parbagi ni tano i.