JOSUA 2:6 - BIBEL JAMITA NA DENGGAN

⁶ Hapengani na dung dioban si Rahab do mata-mata sidua halak i tu loteng ni bagasnia i jana ditabunihon ia halahi di toru ni bayon na gukguk disi.)

JOSUA 2:6 Iomraidhean Croise

2 SAMUEL 11:2

Sanoli andospotang, dung ngot si Daud sian na modom, kehe ma ia tu tarup ni bagas godang na hornop i. Diida ia ma sian i sada anakboru na topet maridi, jana sun jeges ni anakboru i.

2 SAMUEL 17:19

Dipahembang dadaboru ni nampuna bagas i ma panutupina tu ginjang ni sumur i jana diparerak ia ma gandum disi, gabe nada haidaan be sumur i.

1 RAJA-RAJA 18:13

Adong he na so unjung dope dibege amang na hutabunihon saratus halak panurirang ni Tuhan di angka liang dompak na nibunu ni si Isebel sian halahi – lima pulu halak di sada liang – jana hulehen halahi mangan dohot minum?

1 RAJA-RAJA 18:4

Dompak na nibunu ni si Isebel angka panurirang ni Tuhan, ditolong si Obaja do saratus halak panurirang ni Tuhan, ditabunihon ia halahi di angka liang – lima pulu halak di sada liang – jana dilehen ia panganon dohot inumon ni halahi.)

2 RAJA-RAJA 11:2

Si Joas anak ni si Ahasia i pe saotik nari noma anso hona bunu rap dohot angka dakdanak ni raja i na deba nari; tapi malua do ia dibaen si Joseba namborunia i. Boru ni si Jerobeam do anggo si Joseba jana iboto ni si Ahasia asing ina. Dioban ma si Joas dohot na parorot ia jana ditabunihon tu sada bilik di Bagas Ni Debata.

HARURUAR 2:2

Dung i ditubuhon dadaboru i ma sada anak halaklahi. Dung diida ia jeges ni rupa ni dakdanak i, dibunihon ia ma dakdanak i tolu bulan honokna.

JEREMIA 36:26

Mur disuru do tehe si Jerahmeel anak ni raja i rap dohot si Seraya anak ni si Asriel dohot si Selemia anak ni si Abdiel anso manangkup au dohot si Barukh juru tuliski. Tapi ditabunihon Tuhan hami.

MATEUS 24:17

Sanga ise na di ginjang tarup ni bagas ulang be ia mijur mambuat barang-barangnia tu bagas i.

PANGARATAION 22:8

Muda pajongjong bagas hamu, angkon baenonmunu do handang humaliang tarupna i. Gabe nada hamu be martanggung jawab ampot adong sanga na ise na madabu sian tarup i lalu mate.

KOLOSSE 3:3

Angke madung mate hamu, jana buni do ngolumunu rap dohot Kristus di bagasan Debata.

IBRANI 11:23

Hara ni na porsaya, gabe ditabunihon natorasna do si Musa tolu bulan honokna dung sorang ia. Diida halahi na denggan do dakdanak i jana nada mabiar halahi mangalo parenta ni raja.

JAKOBUS 2:25

Laing songon i do si Rahab boru jalang i. Nada he dapotan hatigoran do ia marhite pambaenanna di na nijagitnia angka pamata-matai jana diurupi ia halahi palua dirina sian dalan na asing?

JOSUA 2:5

Nangkin taran so ditutup horbangan ni kota, di na lusut mataniari, ma pola kehe halahi. Jana nada pola husapai sanga na tu dia halahi kehe. Tapi muda hipas do hamu mangkojar halahi dapot hamu dope halahi.” (

JOSUA 2:7

Jadi markehean ma antong suruan ni raja i jana manigor digoruk ma horbangan ni kota i disi haruar halahi. Dijalak-jalahi halahi ma mata-mata ni Israel i lopus tu inganan panariparan di Batang aek Jordan.

JOSUA 2:8

Di borngin i painte so modom mata-mata ni Israel sidua halak i, kehe ma si Rahab tu loteng,

JOSUA 6:25

Tapi anggo si Rahab siboru jalang i dohot koum sisolkotna dipadiar si Josua do mangolu, hara ni na niondihonnia mata-mata sidua halak i na nisuru ni si Josua tu Jeriko. (Lopus tu sadari on laing tinggal do pomparan ni si Rahab di Israel.)