JOSUA 2:4 - BIBEL JAMITA NA DENGGAN

⁴ Tapi madung ditabunihon dadaboru i halahi, jana ning si Rahab mangalusi, “Tutu nian adong do ro halak tu bagasku, tapi nanggo huboto sanga na sian dia halahi.

JOSUA 2:4 Iomraidhean Croise

2 RAJA-RAJA 6:19

Dung i kehe ma si Elisa mandapotkon halahi jana didok ia ma, “Na lilu do hamu; nada on kota na nijalahanmunu i. Beta ma ihutkon hamu au; anso hupataru hamu tu bayo na nijalahanmunu i.” Jadi dipataru si Elisa ma halahi tu Samaria.

HARURUAR 1:19

Dialusi halahi ma, “Nada songon ina-ina ni halak Mesir anggo ina ni halak Ibrani i. Momo do halahi mardakdanak. Taran so ro dope bidan, madung sorang dakdanak i.”

JAKOBUS 2:25

Laing songon i do si Rahab boru jalang i. Nada he dapotan hatigoran do ia marhite pambaenanna di na nijagitnia angka pamata-matai jana diurupi ia halahi palua dirina sian dalan na asing?

JOSUA 2:3

Jadi disuru raja i ma halak mandapotkon si Rahab na mandok, “Na mamata-matai sude luat ni Jeriko do umbaen na ro angka halak na marborngin di bagasmi! Pasigop paruar halahi!”

JOSUA 2:5

Nangkin taran so ditutup horbangan ni kota, di na lusut mataniari, ma pola kehe halahi. Jana nada pola husapai sanga na tu dia halahi kehe. Tapi muda hipas do hamu mangkojar halahi dapot hamu dope halahi.” (

JOSUA 6:17

Sude kota i dohot sandok isina angkon dironcohon sude gabe songon haul tu Tuhan. Hum si Rahab, siboru jalang i dohot koum sisolkotna sajo do na tola padiaron mangolu, dibaen madung diondihon ia mata-mata na tasuru i.

JOSUA 6:25

Tapi anggo si Rahab siboru jalang i dohot koum sisolkotna dipadiar si Josua do mangolu, hara ni na niondihonnia mata-mata sidua halak i na nisuru ni si Josua tu Jeriko. (Lopus tu sadari on laing tinggal do pomparan ni si Rahab di Israel.)