JOSUA 2:3 - BIBEL JAMITA NA DENGGAN

³ Jadi disuru raja i ma halak mandapotkon si Rahab na mandok, “Na mamata-matai sude luat ni Jeriko do umbaen na ro angka halak na marborngin di bagasmi! Pasigop paruar halahi!”

JOSUA 2:3 Iomraidhean Croise

PAMUNGKAAN 38:24

Dung adong hira-hira tolu bulan, dipaboa halak ma barita on tu si Juda, “Ma gabe boru jalang parumaenmu, jana ma denggan pamatangna.” Jadi diparentahon si Juda ma, “Oban ma ibana tuson jana tutung lopus mate!”

PAMUNGKAAN 42:31

Jadi hami alusi ma, ‘Halak na jujur do hami, jana nada mata-mata hami.

2 SAMUEL 10:3

Tapi didok angka parpangkat na di Luat Amon i ma tu si Hanun, “Na diambang roha ni raja i dehe lakna na laho pasangapkon amanta umbaen na ditongos si Daud tonana dohot mararsak ni roha i. Nada! Na giot mamata-matai kota on do disuru ia angka jolma i tuson, anso tartaluhon ia kota on muse.”

2 SAMUEL 17:20

Marroan ma angka naposo ni si Absalom tu bagas i jana disapai halahi ma tu anakboru sinangkin, “Di dia si Ahimaas dohot si Jonatan?” “On dope taripar halahi di batang aek i,” ning ia mangalusi. Dijalak-jalahi halahi ma doli-doli na dua i, tapi nada dapot halahi be, lalu mulak noma halahi tu Jerusalem.

1 JUJUR TAON 19:3

didok angka pamimpin ni luat i ma tu Raja Hanun, “Na diambang raja i dehe lakna laho pasangapkon amanta mandiang i umbaen na nisuru ni si Daud na maroban tona arsak ni rohania i? Ulang diambang raja i songon i! Na laho mangaligi-ligi luatta on do halahi disuru ia tuson anso tarbaen halahi mangarampassa!”

JOB 21:30

Pandok ni halahi, ‘Di ari pandabu ni Debata di uhuman i, angka parjahat paluaon ma disi.’

HAMALIMON 24:14

“Oban ma bayo i tu balian ni parbandaran. Ganop halak na dung umbege ibana mamurai, dipayakkon ia ma tanganna tu ulu ni bayo i manyaksihon na dung marsala bayo i. Dung i dangguran ni halak na bahat i ma ia dohot batu lopus mate.

JOHANNES 19:4

Dung i haruar ma si Latus sanoli nari, didok ia ma tu halak na bahat i, “Ligi hamu ma! Madung huoban Ia saonnari tu ruar anso diboto hamu na so adong dapot au hasalaanNia bagi aha pe.”

BAENON NI ANGKA RASUL 12:4

Dung ditangkup si Petrus, dipamasuk halahi ma ia tu hurungan. Diparentahon ma opat rombongan tentara manjago si Petrus di hurungan i. Opat halak ma tentara i sapunguan. Dung sidung Ari Pesta Paskah pe anso adilan ni Raja Herodes si Petrus di jolo ni halak na bahat.

BAENON NI ANGKA RASUL 12:6

Borngin i andorang so paadopon ni Raja Herodes si Petrus tu jolo ni halak na bahat, modom ma si Petrus laing dirante di antara ni dua halak tentara panjago i. Laing dijagoi tentara na asing i do sude pintu ni hurungan i.

JOSUA 10:23

Jadi dibuka ma liang i lalu diboan ma ruar angka raja ni Jerusalem, Hebron, Jarmut, Lakis dohot Eglon

JOSUA 2:2

Dipaboa halak ma tu raja ni Jeriko i bahaso na adong piga-piga halak Israel di borngin i na ro mamata-matai luat ni Jeriko.

JOSUA 2:4

Tapi madung ditabunihon dadaboru i halahi, jana ning si Rahab mangalusi, “Tutu nian adong do ro halak tu bagasku, tapi nanggo huboto sanga na sian dia halahi.

HAKIM-HAKIM 4:20

Dung i didok si Sisera ma tu si Jael, “Kehe ma ho jongjong di jolo ni pintu ni bandar i. Muda adong halak na ro jana marsapa tu ho sanga na adong halak dison, dok ma, inda.”