JOSUA 2:18 - BIBEL JAMITA NA DENGGAN

¹⁸ Angkon baenonmu do songon on. Muda ro hami mamorangi luatmunu on, tambatkon ma tali na rara on di jandela inganan parmijurannami on. Palagut ma amanta-inanta, angka ibotomu dohot sude sisolkot ni amanta di bagas on.

JOSUA 2:18 Iomraidhean Croise

PAMUNGKAAN 12:2

Hulehen pe bahat di ho pomparanmu jana gabe bangso na godang ma halahi. Hupasupasu pe ho jana tarbonggal pe goarmu Hubaen, lopus gabe pasupasu ho di halak na bahat.

PAMUNGKAAN 7:1

Jadi didok Tuhan ma tu si Noak, “Masuk ma ho tu kapal i rap dohot sude isi ni bagasmu; hum sasada ho ma Huida jolma na satano on na patuluskon hagiotKu.

ESTER 8:6

Dia ma he lobas au paida-ida bangsongku dohot koum sisolkotku abis dibunu?”

HARURUAR 12:13

Mudar na di pintu ni bagasmunu i ma tandana paboahon bagas ingananmunu. Muda Huida mudar i salpuanKu ma hamu, jana nada agoonKu hamu di na manguhum halak Mesir i Au.

ENDE NA GODANG 4:3

Muda mangkuling ho, manis ni bibirmu songon pita na rara. Jeges ni hurummu songon batu ni dalimo, di balik ni panutupina.

HAMALIMON 14:4

suruon ni malim i ma halak i maroban dua unggas na so haram, dohot samponggol hayu ares sian Libanon, sada tali na rara dohot saranting ruput hisop.

BILANGAN 19:6

Dung i buaton ni malim i ma saotik hayu ares dohot sarranting duhut hisop dohot sada tali na rara jana didanggurkon ia ma i tu bagasan api.

BILANGAN 4:8

Sudena i angkon tutupon ni halahi dohot sangkarambar abit na rara, lalu dipahirbang di ginjangna i sangkarambar bobak na halus, lalu dipamasuk hayu pamorsan ni meja i.

LUKAS 19:9

Didok Jesus ma tusia, “Mamungka sadari on dapotan haluaon do pangisi ni bagas on, harana pinompar ni si Abraham do ia.

BAENON NI ANGKA RASUL 10:27

Hatiha na mangkobari i, laing masuk ma si Petrus tu bagas i. Madung marlagut bahat halak disi diida ia.

BAENON NI ANGKA RASUL 10:33

Hara ni i do umbaen na husuru manigor halak mangalap tuan i. Jana songon i ma burju ni rohamu ro tuson. Saonnari madung lagut hami dison, di adopan ni Debata laho umbege sudena na nitonahon ni Tuhan tu ho.”

BAENON NI ANGKA RASUL 11:14

Paboaonnia ma tu ho barita na paluahon ho rap dohot hamu na sabagas.’

2 TIMOTEUS 1:16

Tapi anggo na sian bagas ni si Onesiporus madung adong sanga na piga noli dipajop ia rohangku. Ibo ma roha ni Tuhan, sai dilehen ma tu halahi asi ni rohaNa. Haru pe tarhurung au, nada pola maila si Onesiporus marnida na masa tu au.

IBRANI 9:19

Jolo dipaboa si Musa do sude angka Tona na sian Debata tu bangso Israel sude. Baru ma dibuat ia mudar ni anak ni lombu dohot mudar ni hambeng jantan i, dicampur ia ma i dohot aek, dung i dipispiskon ia ma tu Buku Tona na sian Debata dohot tu sude bangso Israel. Ruput hisop dohot imbulu ni biri-biri na rara tobang do dibaen ia pamispisna.

JOSUA 2:21

Dioloi si Rahab do pangalaho i lalu dipaloas ia ma kehe halahi. Dung i ditambatkon ia ma tali na rara i di jandela.

JOSUA 6:23

Jadi kehe ma mata-mata sidua halak i jana dioban halahi ma si Rahab haruar rap dohot ama-inania, angka ibotona dohot koum sisolkotnia na deba nari. Dioban ma sude sisolkot ni si Rahab maradu angka hatobanna tu ruar tu inganan na aman di lambung parbandaran ni Israel.

JOSUA 6:25

Tapi anggo si Rahab siboru jalang i dohot koum sisolkotna dipadiar si Josua do mangolu, hara ni na niondihonnia mata-mata sidua halak i na nisuru ni si Josua tu Jeriko. (Lopus tu sadari on laing tinggal do pomparan ni si Rahab di Israel.)