JOSUA 2:14 - BIBEL JAMITA NA DENGGAN

¹⁴ Jadi didok bayo sidua halak i ma tusia, “Marjanji ma hami, muda lehenon ni Tuhan luat on tu hami, denggan do baenonnami tu hamu asal ma nada dipaboa ho sanga na tu ise pe taringot tu hami. Sai mate ma hami, muda nada hami patulus janjinami on.”

JOSUA 2:14 Iomraidhean Croise

PAMUNGKAAN 24:49

Saonnari, muda adong do rohamunu mambaen na denggan tu tuanki bope laho manggohi na patut sibaenonmunu tusia, dok hamu ma tu au; tapi muda nada, laing dok hamu ma da antong tu au anso tarputuskon au sanga aha na giot baenonku.”

PAMUNGKAAN 47:29

Di na mur donok hatihana marujung ngoluna, dipiohon ia ma si Josep anaknia i, didok ia ma hatania, “Baen ma tanganmi tu holang-kolang ni hae-haengkon jana sumpahon ma na so kuburkononmu au di tano Mesir on.

2 SAMUEL 2:5

disuru ia ma tusi maroban tona na mandok, “Sai dipasupasu Tuhan ma hamu, dibaen dipatuduhon hamu do na burju hamu tu rajamunu i marhite na mananom bangkena.

2 SAMUEL 2:6

Antong, sai dipatuduhon Tuhan ma holong ni rohaNa na manongtong i tu hamu. Au pe sai na denggan do baenonku tu hamu hara ni pambaenanmunu i.

2 SAMUEL 9:1

Sanoli marsapa ma si Daud, “Adong dope ulaning jolma na mangolu sian bagas ni si Saul? Sugari adong dope, por do rohangku nian mambaen na denggan tu halahi hara ni si Jonatan.”

1 RAJA-RAJA 20:39

Jadi dompak mamolus raja i, pio-pio ma panurirang i tusia didok ma, “Daulat na marmulia, dompak na marporang i au di parporangan i, dioban sada parajurit ma tu au sahalak musu na tartangkup, dung i didok ma tu au, ‘Denggan jagohon bayo on; muda lari ia, angkon bunuon do ho gontinia sanga mandangdangi ho tolu ribu hepeng perak.’

PODA 14:22

Jagitonmu do pos ni roha dohot hasangapan muda dikarejohon ho na pade, tapi muda na jat do dikarejohon ho madung sala ho disi.

PODA 18:24

Adong do dongan na so setia, adong muse do na rumosu sian kahangginiba.

MATEUS 5:7

Martua ma angka na marasi ni roha, dibaen dapotan asi ni roha do muse halahi.

BAENON NI ANGKA RASUL 23:22

Didok komandan i ma, “Ulang jabat dipaboa ho sanga na tu ise na dung nipaboamu pangalaho on tu au,” ning ia, lalu disuru ia ma mulak doli-doli i.

JOSUA 2:15

Di tembok ni kota i do anggo bagas ni si Rahab i, jadi ditantan si Rahab ma dohot tali bayo na dua i paijurkonsa sian jandela.

JOSUA 6:17

Sude kota i dohot sandok isina angkon dironcohon sude gabe songon haul tu Tuhan. Hum si Rahab, siboru jalang i dohot koum sisolkotna sajo do na tola padiaron mangolu, dibaen madung diondihon ia mata-mata na tasuru i.

JOSUA 6:22

Didok si Josua ma tu mata-mata sidua halak i, “Kehe ma hamu tu bagas ni boru jalang i jana oban hamu ma ia haruar rap dohot koum sisolkotnia songon na dung nijanjihonmunu hian tusia.”

JOSUA 6:25

Tapi anggo si Rahab siboru jalang i dohot koum sisolkotna dipadiar si Josua do mangolu, hara ni na niondihonnia mata-mata sidua halak i na nisuru ni si Josua tu Jeriko. (Lopus tu sadari on laing tinggal do pomparan ni si Rahab di Israel.)

1 SAMUEL 20:8

Na mangido tolong ma au tu ho, dibaen na dung mamudun janji do hita di adopan ni Tuhan. Tapi haru songon i pe muda na marsala do au antong, bunu ma au, tapi ulang ma pasahat au tu amanta.”