JOSUA 2:12 - BIBEL JAMITA NA DENGGAN

^12-13 Antong sumpahon hamu ma mangasahon goar ni Tuhan bahaso na denggan do baenonmunu tu au dohot tu koumku songon denggan ni na hubaen tu hamu. Janjihon hamu ma paboa na so bunuonmunu damang dohot dainang, angka dongan sainangku dohot sude dongan sabagas ni halahi, tapi ondihononmunu do. Antong, lehen hamu ma sada tanda paboa na tutu do hamu bisa huhaporsayai!”

JOSUA 2:12 Iomraidhean Croise

PAMUNGKAAN 21:23

Jadi sumpahon ma dison diadopan ni Debata paboa na so baenonmu na so tama tu au, songon i tu dakdanakku sanga pe tu pomparanku. Madung hubaen haburjuon tu ho, jadi hara ni i janjihon ma laing na burju muse baenonmu tu au dohot tu luat na huingani on.”

PAMUNGKAAN 24:3

Sumpahon ma mangasahon goar ni Tuhan, Debata na mangarajai langit dohot tano, bahaso na so jalahanmu boru sian halak tano Kanaan on di si Ishak anakki.

PAMUNGKAAN 24:9

Dung i dibaen hatoban i ma tanganna tu holang-kolang ni hae-hae ni si Abraham tuannia jana marsumpa ma ia laho patuluskon songon na nipangido ni si Abraham i.

PAMUNGKAAN 40:14

Tapi pangidoanku, ingot au muda dung denggan ngolumu sanoli on. Ibo rohamu mida au, jana palalu ma antong pardangolankon tu raja i, jana laing pangidohon ma da anso dipalua ia au sian hurungan on.

2 JUJUR TAON 36:13

Dipaksa Raja Nebukadnesar ma si Zedekia marsumpa mangasahon Debata paboa na setia noma ia. Tapi di pudi, mangalo ma si Zedekia tu si Nebukadnesar. Sian angka dosania i pe nada ra muba si Zedekia. Jogal do rohania maradopkon Tuhan, Debata ni Israel jana nada ra ia mulak tu Tuhan.

ESTER 8:6

Dia ma he lobas au paida-ida bangsongku dohot koum sisolkotku abis dibunu?”

HARURUAR 12:13

Mudar na di pintu ni bagasmunu i ma tandana paboahon bagas ingananmunu. Muda Huida mudar i salpuanKu ma hamu, jana nada agoonKu hamu di na manguhum halak Mesir i Au.

JEREMIA 12:16

Muda ra halahi manjagit ugamo ni bangsongKu sian sandok roha ni halahi jana ra manyumpahon marhite na mandok, ‘Mangasahon Tuhan na mangolu i,’ – songon na niajaran ni halahi najolo bangsongKu marsumpa mangasahon Baal jadi gabe tarmasuk ma halahi gabe bangsongKu jana gabe maduma.

MARKUS 14:44

Madung dipaboa panghianat i hian sanga aha tandana tu halahi. “Sanga ise na huumma, i ma ibana halakna. Tangkup hamu ma manigor, togu oban hamu.”

SURAT NI SI PAULUS TU PARLAGUTAN ROM 1:31

na so marroha, na so setia, na so maribo ni roha.

1 TIMOTEUS 5:8

Muda halak na so paturehon koum sisolkotna, lumobi donganna samudar, na mamorso haporsayaanna do halak na songon i; jumatjat dope i sian halak na so porsaya.

JAKOBUS 2:13

Angke sanga ise halak na so maribo ni roha tu halak na asing, sidabuon do uhuman tusi so pola mardongan ibo ni roha. Tapi gumogo dope ibo ni roha ulang uhuman!

JOSUA 2:18

Angkon baenonmu do songon on. Muda ro hami mamorangi luatmunu on, tambatkon ma tali na rara on di jandela inganan parmijurannami on. Palagut ma amanta-inanta, angka ibotomu dohot sude sisolkot ni amanta di bagas on.

JOSUA 2:19

Muda adong sada halahi na haruar sian bagas on lalu mate, salana sandiri do hamateanna i, nada tanggung jawabnami be i. Tapi muda adong halak na di bagasan bagas on na mabugang, hami do na martanggung jawab disi.

JOSUA 6:22

Didok si Josua ma tu mata-mata sidua halak i, “Kehe ma hamu tu bagas ni boru jalang i jana oban hamu ma ia haruar rap dohot koum sisolkotnia songon na dung nijanjihonmunu hian tusia.”

JOSUA 9:15

Dibaen si Josua ma parjanjian tanda mardongan dohot halak Gibeon i jana marjanji na so bunuon ni halahi. Jadi marsumpa ma angka pamimpin ni rayat ni Israel laho patuluskon parjanjian i.

HAKIM-HAKIM 1:24

Di na giot lalu tu kota i angka na mata-mata i, marsuo ma halahi dohot sada bayo na giot manadingkon kota i. Didok halahi ma tusia, “Muda dipaboa ho sanga na bia baenonnami anso tarbaen masuk tu bagasan kota i, nada baenonnami na jat tu ho.”

1 SAMUEL 30:15

Dung i disapai si Daud ma tusia, “Ra do ho patuduhon dalan tu au tu inganan ni garombolan i?” Alusnia, “Ra do au, asalkan ma marjanji tuan i mangasahon goar ni Debata, paboa na so bunuon ni tuan i au sanga pasahaton ni tuan i au tu tuanku humani.”