JOSUA 18:7 - BIBEL JAMITA NA DENGGAN

⁷ Hum Marga Levi sajo do na so dapotan parbagian tano rap dohot hamu, angke anggo bagian ni halahi, i ma: Gabe angka malim laho mangoloi Tuhan. Jana anggo salaho tu Marga Gad, Ruben dohot Manase Parhabincaran, na dung manjagit bagianna be do halahi di Habincaran ni Jordan. Na dung dilehen si Musa, naposo ni Tuhan i do tano i di halahi.”

JOSUA 18:7 Iomraidhean Croise

BILANGAN 18:20

Didok Tuhan muse tu si Harun, “Nada adong lehenon di hamu bagi aha tean-teanan. Sabagian tano pe nada adong di luat na Hujanjihon i nada adong ho puna. Au do Tuhan, Au do bagian siteanonmu.”

BILANGAN 18:23

Mamungka saonnari, hum halak Levi do na tola mangurus Bandar ParmiananKu, bope mamorsan tanggung jawab na gok hara ni karejo i. Aturan i mardalan do i tu pomparanmu ro di salolotna. Nada adong siteanon ni halak Levi di Israel,

BILANGAN 18:7

Tapi hum ho dohot anakmu sajo do na tola mandalankon karejo ni malim na mardomu dohot langgatan bope dohot barang aha pe na adong di Bilik Na Sun Badia i. I ma karejomu, dibaen madung Hubaen hamu gabe malim. Ganop halak na so dapotan hak na songon i angkon mate uhumon muda donok tu angka barang na badia i.”

PANGARATAION 10:9

I ma dalanna nada manjagit tano Marga Levi songon angka marga na asing; hasangapan do na nijagit ni halahi anso gabe malim ni Tuhan songon na nijanjihon ni Debata.)

JOSUA 12:6

I ma raja sidua halak na nitaluhon ni si Musa rap dohot bangso Israel. Jana dilehen si Musa, naposo ni Tuhan i ma tano ni angka raja i tu Marga Ruben, Gad dohot satonga Marga Manase baen tano parbagianan ni halahi.

JOSUA 13:33

Tapi anggo Marga Levi nada mandapot tano hum saotik pe sian si Musa. Madung didok si Musa tu halahi, anggo bagian silehenon di halahi i ma, sian haul na nihaulkon tu Tuhan Debata ni Israel.