JOSUA 18:3 - BIBEL JAMITA NA DENGGAN

³ Jadi didok si Josua ma tu halak Israel, “Sadia honok nari painteonmunu anso kehe hamu mangingani luat na nilehen ni Tuhan, Debata ni ompumunu i, di hamu?

JOSUA 18:3 Iomraidhean Croise

PODA 10:4

Halak na losok madabu tu hapogoson, marhite hapadoton markarejo dapot hamoraon.

PODA 13:4

Bahat do por ni roha ni na losok hape umpe sada na dapotsa; halak na padot markarejo dapotsa do sude por ni rohana.

PODA 15:19

Halak na losok sai na marpupu do i susa; halak na jujur nada adong hamaolonna.

PARJAMITA 9:10

Karejohon ma sude karejomu sagogomu. Angke nada adong be naron sipikiran dohot karejo. Nada adong ilmu sanga bisuk anggo di inganan ni na mate. Jana marayak tusi do ho kehe.

ZEPANYA 3:16

Dokkonon ni halak ma di sada hatiha, ale Jerusalem; “Ulang ho mabiar, ale Sion ulang ma gale-gale tanganmi!

MATEUS 20:6

Dung hira-hira pukul lima andospotang, kehe muse ma ia. Diligi ia muse, hape laing adong dope halak na jongjong sajo songon i inda adong karejona. Gabe disapai ia ma halahi, ‘Biasi he jongjong sajo hamu dison sasadari so adong na niampalmunu?’

JOHANNES 6:27

Ulang pola marloja-loja hamu markarejo hara ni sipanganon na ra abis dohot na ra busuk. Markarejo ma hamu, anso dapot hamu sipanganon na so ra busuk jana na mangalehen hangoluan na so mantak. Lehenon ni Anak Ni Jolma i do di hamu panganon i; angke madung dilehen Damang, i ma Debata, kuaso i diSia.”

JOSUA 1:6

Sai marpos ni roha ma ho jana ulang mabiar, angke ho do na mamimpin bangso on di na giot buaton ni halahi luat na dung Hujanjihon tu ompu na umpompar halahi.

JOSUA 13:1

Madung matobang situtu si Josua saonnari. Didok Tuhan ma tu si Josua, “Madung matobang ho, ale Josua! Hape bahat dope luat sibuaton:

JOSUA 18:2

Pitu nari marga ni Israel na so dapotan dope parbagian ni tano.

JOSUA 18:4

Pili hamu ma tolu halak sian ganop marga. Giot suruonku halahi mangaliati sude luat on laho mangukur batas-batas ni luat por ni roha ni halahi gabe halahi puna. Dung salpu i angkon mulak halahi mandapotkon au.

HAKIM-HAKIM 18:9

Jadi didok halahi ma, “Tole ma! Hita porangi kota Lais. Madung hami ida tano i, tung mansai jeges do. Ulang ma ngongong sajo hita, kehe ma hita tusi laho mambuat tano i.