JOSUA 17:6 - BIBEL JAMITA NA DENGGAN

⁶ Harana sude do borunia mandapot parbagian sarupa dohot bagian ni angka anak halaklahi. Tapi anggo tano Gilead parbagian ni sude Marga Manase ma i.

JOSUA 17:6 Iomraidhean Croise

JOSUA 13:29

Deba sian tano na nijanjihon ni Tuhan tu halak Israel i, madung dilehen si Musa tu angka marga na sian horong Manase satonga, baen bagian ni halahi.

JOSUA 13:30

Lalu tu Mahanaim angka parbatasan ni halahi, masuk ma sude Basan – i ma sude luat na nirajaan ni si Og, raja ni Basan, songon i muse onom pulu huta ni Jair di Basan.

JOSUA 13:31

Masuk muse dope satonga sian tano Gilead, dohot Astarot dohot Edrei, i ma sidua kota sabungan ni luat na nirajaan ni Raja Og di Basan. Dilehen sude luat i tu satonga marga na sian pomparan ni si Makir anak ni si Manase.

JOSUA 17:5

Hara ni i ma gabe sampulu bagian tano tu pomparan ni si Manase, asing sian tano Gilead dohot Basan na di bariba ni Batang aek Jordan.

JOSUA 17:7

Anggo garis batas ni Manase mamungka ma i sian Aser lalu tu Mikmetat di sabola Habincaran ni Sikem. Sian i manuat ma garis i tu Selatan lopus tu Luat En-Tapuah,

JOSUA 22:7

Salaho tu Marga Manase na satonga i, madung dilehen si Musa do bagian ni halahi di Basan, tapi tu na satonga nari dilehen si Josua tano na di Hasundutan Batang aek Jordan rap dohot angka kahanggina.