JOSUA 15:8 - BIBEL JAMITA NA DENGGAN

⁸ dung i manangkok mamolus Rura Hinom tu Selatan ni tor inganan hajongjongan ni Jerusalem kota ni angka halak Jebus. Sian i torus ma garis batas i tu ambubu ni tor i di Hasundutan ni Rura Hinom, di ujung Parutara ni Rura Refaim,

JOSUA 15:8 Iomraidhean Croise

2 SAMUEL 5:18

Lalu ma halak Pilistin di Rura Refaim lalu diingani halahi ma i.

2 SAMUEL 5:22

Nada sadia honok, ro ma mangulahi halak Pilistin mangingani Rura Refaim i.

2 RAJA-RAJA 23:10

Tofet, i ma inganan pamelean ni debata na di Rura Hinom, dipahodar do. Jadi dung songon i nada adong be tarbaen halak laho mamelehon dakdanakna songon haul situtungon di Debata Molok.

1 JUJUR TAON 11:4

Sanoli kehe ma Raja Daud rap dohot sude pasukan ni Israel manyerang Jerusalem, Jebus dope hatiha i goar ni kota i jana halak Jebus do maringanan disi, i ma halak na asli mangingani kota i.

2 JUJUR TAON 28:3

jana ditutung ia dupa di Rura Hinom. Dipelehon ia dope tehe anaknia sandiri gabe haul tu gana-ganaan mangihutkon hasomalan na jat di angka jolma na nipaorot ni Tuhan sian tano Kanaan dompak na masuk halak Israel tu tano i.

NEHEMIA 11:30

Di Sanoa, di Adullam dohot angka hutana. Di Lakis dohot angka ladangna, di Aseka dohot di pagaranna. Jadi songon i ma halahi marhuta sian Ber-Seba lopus tu Rura Hinnom.

JESAYA 17:5

Songon saba na dung nisabi noma Israel, jana songon lungun ni ladang na di Rura Refaim muda dung salpu sabion.

JEREMIA 19:14

Dung ditadingkon ia Tofet, i ma inganan na nisuru palaluonnia tona ni Tuhan i, kehe ma ia tu alaman ni Bagas Ni Debata jana jongjong ia disi, lalu dipaboa ma tu sandok halak,

JEREMIA 19:2

anso rap hami kehe tu Rura Hinom mamolus sian Pintu Horbangan Beling. Angkon disi ma paboaonku tonaNia i.

JEREMIA 19:6

Jadi hara ni i dapot do i hatihana nada goaron be inganan on Tofet sanga Rura Hinom tapi Rura Panyambolan.

JOSUA 15:63

Kota Jerusalem pe masuk bagian ni Juda do, tapi nada tarpaorot halak Juda haruar angka halak Jebus na maringanan disi. Lopus saonnari laing rap maringanan di kota i do angka halak Jebus dohot halak Juda.

JOSUA 18:16

Dung i manuat ma garis batas i tu pat ni dolok na paadop-adop dohot Rura Hinom, di ujung sian Utara ni Rura Refaim. Dung i mamolus ma garis batas i sian Rura Hinom tu Selatan, sabola Selatan ni robean ni tor na di Luat Jebus, laho tu En-Rogel.

JOSUA 18:28

Zela, Elep, Jebus (i ma Jerusalem), Gibea dohot Kiryat-Jearim. Opat bolas kota sudena dohot angka luatna. Angka i ma tano na dilehen tu ripe sian Marga Benyamin na gabe bagian ni halahi.

HAKIM-HAKIM 1:21

Marga Benyamin pe nada tarusir halahi morot halak Jebus sian kota Jerusalem. I ma dalanna umbaen na laing rap disi halak Jebus dohot halak Benyamin.

HAKIM-HAKIM 1:8

Diporangi halak Juda ma Jerusalem, dirampas jana disurbu halahi ma kota i jana dibunu pangisina i.

HAKIM-HAKIM 19:10

Tapi nada ra be halak Levi i marborngin disi. Kehe ma ia dohot radingnia i rap dohot hatobannia i dohot halodenia na dua i nadung dipalanoi. Tolap ma halahi di kota na di tongtang ni Jebus (i ma Jerusalem).