JOSUA 15:4 - BIBEL JAMITA NA DENGGAN

⁴ Sian i torus muse ma garis ni batas i tu Asmon, lalu manyoksok anak ni batang aek di parbatasan ni Mesir, dung i marujung ma di Laut Tonga. Songon i ma garis batas i sabola Selatan, luat ni Juda.

JOSUA 15:4 Iomraidhean Croise

PAMUNGKAAN 15:18

Laing di hatiha i ma dibaen Tuhan parjanjian dohot si Abram. Ninna Tuhan ma, “Marjanji ma Au laho mangalehen tano on sudena di pomparanmu, mamungka sian batas ni Luat Mesir lopus tu Batang aek Efrat,

1 RAJA-RAJA 8:65

Di Bagas Ni Debata i do dibaen si Salomo dohot sude halak Israel, Pesta Undung-undung Bulung Rata pitu ari honokna. Bahat situtu do bilangan ni halak na marlagut disi, sian luat saginjang ni Dalan Hamat di Utara, lalu tu parbalohan ni Mesir di Selatan.

HARURUAR 23:31

Hupabidang pe batas ni tanomunu mamungka sian Solok Akaba lalu tu Batang aek Efrat jana sian Laut Tonga lopus tu halongonan parhorsihan. Hulehen pe kuaso di hamu maradopkon halak luat i humani di na maju hamu mangarampas tano i, paorotonmunu ma halak na manginganisa.

JESAYA 27:12

Di hatiha i, palaguton ni Tuhan ma bangsoNia i pasada-sada sian Batang aek Efrat lopus tu batas ni Mesir. SirangonNia ma halahi songon pamiari ni halak di eme sian lapungna.

BILANGAN 34:5

Mangeldok ma parbalohan i disi tu rura parbalohan dohot Mesir, marujung di Laut Tonga.

JOSUA 13:3

dohot sude Luat Awi sabola Selatan. (Luat na mamungka sian Batang aek Sihor di parbatasan ni Mesir lopus tu parbatasan ni Ekron na di Utara – tano ni halak Kanaan do sudena taretong; jana raja-raja ni Pilistin maringanan di Gasa, Asdod, Askelon, Gat dohot Ekron.)

JOSUA 15:3

torus mamintas angka robean ni dolok na di Akrabim lalu tu Zin. Dung i mamintas sian Selatan ni Kades-Barnea, torus tu Hesron, manangkok tu Adar, dung i mangeldok adop Karka.

JOSUA 15:47

Songon i muse Asdod dohot Gasa dohot angka luat maradu angka pagaranna na gumodang lopus tu lambung ni anak ni batang aek na di parbatasan ni Mesir dohot topi ni Laut Tonga.