JOSUA 14:9 - BIBEL JAMITA NA DENGGAN

⁹ Jadi hara ni i, dijanjihon si Musa ma, anggo tano na hubolusi i pasti do giot lehenon di angka dakdanakku dohot di au sandiri, gabe hami puna.

JOSUA 14:9 Iomraidhean Croise

MASMUR 37:9

Angke agohonon do sanga ise na mambaen jahat, tapi anggo na mararop roha tu Tuhan, i do nampuna tano teanan.

BILANGAN 13:22

Parjolo, kehe halahi tu Selatan ni luat i jana lalu ma di kota Hebron inganan ni halak Ahiman, Sisai dohot Talmai, pomparan ni sada bangso na marpamatang raksasa, i ma na nidok halak Enak. (Kota Hebron dipajongjong pitu taon andorang so kota Zoan di Mesir.)

PANGARATAION 1:36

Hum si Kaleb anak ni si Jefunne ma na masuk tusi, hara ni na tong-tong setia ia tu Au. Tu si Kaleb dohot tu pomparannia noma lehenonKu luat na dung diliatinia i.’

PANGARATAION 11:24

Sude tano na nidege ni patmunu i gabe hamu nampunasa. Manggistang ma tanomunu sian parhorsihan na di Selatan lopus tu Pardolohan Libanon di Utara, dohot sian Batang aek Efrat di Habincaran lopus tu Laut Tonga di Hasundutan.

JOSUA 1:3

Madung Hudokkon tu si Musa, madung Hulehen tu ho dohot tu sude bangsongKi sude luat na giot topotonmunu i.

JOSUA 14:10

Jadi saonnari madung opat pulu lima taon honokna dung didok Tuhan songon i tu si Musa. Dompak na madangadang dope bangso Israel di parhorsihan, tarjadi songon i. Jana laing songon na dung dijanjihon Tuhan, Tuhan pe dijagohon Ia do au gabe laing tongtong mangolu lopus saonnari. Cubo ma ligi pamatangkon! Marumur ma au saonnari salapan pulu lima taon,

HAKIM-HAKIM 1:20

Songon na dung diparentahon ni si Musa, anggo Hebron dilehen do tu si Kaleb, dibaen madung dipaorot si Kaleb najolo anak ni si Enak na tolu i.