JOSUA 14:3 - BIBEL JAMITA NA DENGGAN

^3-4 Anggo na dua satonga marga na asing i madung dilehen si Musa tano na di Habincaran ni Batang aek Jordan. (Porlu paboaon dison, anggo pomparan ni si Josep marbagi dua do di marga: Marga Manase dohot Marga Efraim.) Taringot tu Marga Levi, nada maruli bagi aha sian parbagian tano na nilehen ni si Musa tu halahi. Hum angka kota do dilehen di halahi baen inganan, dohot padang-padang baen panjampalan ni lombu dohot biri-biri ni halahi.

JOSUA 14:3 Iomraidhean Croise

JEHESKIEL 45:1

Taran so dibagi-bagi dope tano i gabe pusako ni ganop marga, angkon jolo dipaasing do sabagian di Tuhan. Angkon dua bolas satonga kilometer do ginjang ni tano i, jana bidangna sampulu kilometer. Ditontuhon ma sude tano i na badia.

JOSUA 12:6

I ma raja sidua halak na nitaluhon ni si Musa rap dohot bangso Israel. Jana dilehen si Musa, naposo ni Tuhan i ma tano ni angka raja i tu Marga Ruben, Gad dohot satonga Marga Manase baen tano parbagianan ni halahi.

JOSUA 13:14

Anggo Marga Levi nada manjagit tano parbagian sian si Musa. Madung didokkon Tuhan humani tu si Musa, anggo bagian ni Marga Levi, i ma na sian haul na nitutung di langgatan baen di Tuhan Debata ni Israel.

JOSUA 13:16

Lalu do tano ni halahi tu Aroer (na di topi ni Batang aek Arnon) dohot kota na di tonga-tonga ni rura i lopus tu napa na gincat sudena na humaliang Medeba;

JOSUA 13:17

songon i muse Hesbon dohot angka kota na di napa pardolok i sude, i ma: Dibon, Bamot-Baal, Bet-Baal-Meon,

JOSUA 13:8

Anggo Marga Ruben dohot Gad dohot satonga Marga Manase madung manjagit tano parbagian sian si Musa, naposo ni Tuhan i; i ma tano na di Habincaran ni Batang aek Jordan.