JOSUA 13:9 - BIBEL JAMITA NA DENGGAN

⁹ Masuk tu luat ni halahi ma Aroer (na di topi ni Batang aek Arnon), dohot kota na di tonga-tonga ni rura i, dohot muse sude luat na hornop inganan na timbo sian Medeba tu Dibon.

JOSUA 13:9 Iomraidhean Croise

2 SAMUEL 24:5

Dung ditaripari si Joab dohot angka parangannia i Batang aek Jordan, marbandar di sabola Selatan ni Aroer ma halahi, i ma kota na di parsitongaan ni rura i, na di Luat Gad. Sian i kehe ma halahi tu Utara, tu Jaeser,

NEHEMIA 11:25

Angkup ni sian horong Juda, adong do deba maringanan di kota pagaran dohot di ladang ni halahi na donok tu Kiryat-Arba dohot di pagaran na masuk tusi; di Kabseel dohot di pagaran na masuk tusi.

JESAYA 15:2

Manangkok ma tu dolok halak Dibon laho mangandungi di inganan pamelean ni angka debata. Di bagasan hancit ni roha andungan ni halak na di Moab ma kota Nebo dohot Medeba. Marcukur ulu ma halahi dohot janggut tanda ni na marhabot ni roha.

JEREMIA 48:18

Hamu halak Dibon, mijur ma hamu sian inganmunu na sangap i, di tano i ma hamu juguk dohot di abuan i. Dibaen madung lalu na manyegohon tanomunu Moab, jana roncohononna noma bentengmu sudena.

JEREMIA 48:22

Dibon, Nebo, Bet-Diblataim,

JEREMIA 48:8

Maronco ma sude kota, sada pe nada adong na malua. Abis ma sude rura dohot napa. Au Tuhan, madung mandok songon i.

BILANGAN 21:30

Marmara ma saonnari pomparanna. Sian Hesbon tu Dibon daona. Sian Nasim tu Nofah donokkon ni Medeba.”

PANGARATAION 2:36

Dipadiar Tuhan Debata do hita mangarampas kota i sudena, mamungka sian Aroer, di topi ni Batang aek Arnon, dohot kota na di tonga ni rura i, di sude dalan na tu Gilead. Nada adong kota na matogutu tembokna di hita.

PANGARATAION 3:12

“Dung gabe hita nampuna tano i, hupasahat ma tu Marga Ruben dohot Gad luat na di Utara ni kota Aroer na di lambung ni Batang aek Arnon, dohot deba tano partoran Gilead dohot angka hutana.

PANGARATAION 3:16

Jana tu Marga Ruben dohot Gad hulehen ma luat na adong di antara ni Gilead dohot Batang aek Arnon. Parsitongaan ni batang aek i ma batas ni halahi di Selatan, jana di Utara Batang aek Jabok ma parbalohan ni halahi, deba nari i ma na gabe batas ni luat ni halak Amon.

JOSUA 12:2

Sada ma i na margoar si Sihon, raja ni halak Amori na maringanan di Hesbon. Lalu do kuaso ni raja i tu Luat Gilead satonga: I ma sian Aroer (na di ujung ni Rura Arnon), dohot parsitongaan ni rura i lopus tu Batang aek Jabok na marbalok dohot luat ni bangso Amon;

JOSUA 13:10

Torus ma i mabidang lopus tu luat parbatasan ni Amon, dohot sude angka kota na jungada dirajai si Sihon raja ni Amori na maringanan di Hesbon.

JOSUA 13:16

Lalu do tano ni halahi tu Aroer (na di topi ni Batang aek Arnon) dohot kota na di tonga-tonga ni rura i lopus tu napa na gincat sudena na humaliang Medeba;

JOSUA 13:8

Anggo Marga Ruben dohot Gad dohot satonga Marga Manase madung manjagit tano parbagian sian si Musa, naposo ni Tuhan i; i ma tano na di Habincaran ni Batang aek Jordan.