JOSUA 13:6 - BIBEL JAMITA NA DENGGAN

⁶ Dohot muse do sude luat ni angka halak Sidon na maringanan di antara ni angka dolok na di Libanon dohot kota Misrefot Maim.” Dung i ninna Tuhan dope tu si Josua, “Muda kehe muse halak Israel mamorangi, paorotonKu ma sude angka bangso i. Jana angkon bagi-bagihononmu do tano i tu halak Israel anso gabe halahi puna, songon na dung Huparentahon tu ho.

JOSUA 13:6 Iomraidhean Croise

MASMUR 80:8

Songon bona ni anggur do bangsoMu, na nipaimbarMu sian Mesir. Dipaorot Ho angka bangso na asing gabe disuan Ho anggur i di tano ni halahi.

BILANGAN 33:54

Dung i angkon bagi-bagionmunu do tano i tu ganop marga-marga ni Israel marhite na mambaen undi. Tu marga na gumodang lehen hamu tano na umbidang gabe pusako ni halahi, tu marga na ummenek tano pusako na so pola bidang.

JOSUA 1:6

Sai marpos ni roha ma ho jana ulang mabiar, angke ho do na mamimpin bangso on di na giot buaton ni halahi luat na dung Hujanjihon tu ompu na umpompar halahi.

JOSUA 11:12

Dirampas si Josua ma angka kota i sudena. Ditangkupi rajana i lalu dibunu, hombar tu parenta ni si Musa, naposo ni Tuhan i.

JOSUA 11:8

Jana Tuhan do mambaen monang halak Israel maralohon halahi. Diporangi halak Israel halahi lalu dikojar lopus tu tongtang ni Misrefot Maim dohot Sidon di Utara, jana lopus tu Rura Mispa di Habincaran. Torus do jebu parporangan i lopus nada adong be na tinggal sian musu i. Umpe sahalak – mate sude.

JOSUA 13:7

Antong, saonnari bagi-bagihon ma tano i tu sisambilan marga ni Israel na asing i dohot satonga sian Marga Manase, anso gabe tano bagian ni halahi i.”

JOSUA 23:13

ingot hamu ma pasti nada paoroton ni Tuhan Debatamu angka bangso i di hamu. Tapi sabalikna, gabe parmaraan godang noma halahi di hamu, angke na gabe jorgong noma halahi sanga songon tirangkap di hamu. Halahi pe baenonna ma hamu markancit situtu; angke na gabe songon sambok-sambok do halahi tu tanggurungmunu sanga songon duri di bagasan matamunu. Sai torus ma hamu markancit lopus umpe adong be sahalak sian tonga-tongamunu na tading di luat na denggan on na nilehen ni Tuhan Debatamunu di hamu.

JOSUA 23:4

Tano ni angka bangso na tinggal i dope, songon i muse tano ni sude angka bangso na dung hutaluhon i, i ma tano na bolak mamungka sian Habincaran ni Batang aek Jordan torus tu Hasundutan lopus tu Laut Tonga, madung hutontuhon sudena i gabe hamu nampunasa.

JOSUA 23:5

Baenon ni Tuhan Debatamunu angka bangso i talu, jana maporus sian hamu muda kehe hamu mamorangi halahi. Hamu noma nampuna luat ni halahi, songon na dung dijanjihon ni Tuhan Debatamunu tu hamu.