JOSUA 13:3 - BIBEL JAMITA NA DENGGAN

³ dohot sude Luat Awi sabola Selatan. (Luat na mamungka sian Batang aek Sihor di parbatasan ni Mesir lopus tu parbatasan ni Ekron na di Utara – tano ni halak Kanaan do sudena taretong; jana raja-raja ni Pilistin maringanan di Gasa, Asdod, Askelon, Gat dohot Ekron.)

JOSUA 13:3 Iomraidhean Croise

PAMUNGKAAN 10:6

Angka anak ni si Ham i, i ma si Kus, Mesir, Libia dohot Kanaan i ma na gabe ompu ni angka bangso na nigoar mangihutkon goar ni halahi.

PAMUNGKAAN 15:18

Laing di hatiha i ma dibaen Tuhan parjanjian dohot si Abram. Ninna Tuhan ma, “Marjanji ma Au laho mangalehen tano on sudena di pomparanmu, mamungka sian batas ni Luat Mesir lopus tu Batang aek Efrat,

1 RAJA-RAJA 8:65

Di Bagas Ni Debata i do dibaen si Salomo dohot sude halak Israel, Pesta Undung-undung Bulung Rata pitu ari honokna. Bahat situtu do bilangan ni halak na marlagut disi, sian luat saginjang ni Dalan Hamat di Utara, lalu tu parbalohan ni Mesir di Selatan.

1 JUJUR TAON 13:5

Jadi dipalagut si Daud ma rayat ni Israel sian sude luat, mamungka sian batas tu Mesir di Selatan lopus tu dalan tu Hamat di Utara laho mangalap Poti Parjanjian i sian Kiryat-Jearim jana marobansa tu Jerusalem.

JESAYA 23:3

tu ipar ni laut laho marboniaga gandum na tubu di Mesir dohot laho marboniaga tu sandok bangso.

JEREMIA 2:18

Na mahua ma ho tu Mesir? Na giot manginum aek ni Batang aek Nil? Na giot mahua ma ho tu Asur? Na giot manginum aek ni Batang aek Efrat?

PANGARATAION 2:23

Anggo tano na di topi ni Laut Tonga na dung dibuat ni angka halak na sian pulo Kreta do i. Madung diabisi halahi halak Awi, na mangingani tano i humani, lalu diingani halahi ma luat i lopus tu Selatan marbalok di kota Gasa.)

JOSUA 13:13

Tapi anggo halak na maringanan di Gesur dohot Maaka nada diusir angka halak Israel; laing maringanan di Israel do halahi.

HAKIM-HAKIM 16:5

Jadi ro ma lima halak na markuaso ni Pilistin mandapotkon anak boru i mandok, “Elek-elek ma si Simson anso diboto ho rahasia ni hagogoannia dohot sanga na bia baenon anso ulang margogo ia. Ro ma hami muse manambat dohot manaluhon ia. Jana marsilehen ma hami tu ho saribu saratus be hepeng perak.”

HAKIM-HAKIM 3:3

On ma angka bangso na laing maringan di luat i: Bangso na laing maringanan di kota ni Pilistin na lima i, sude bangso Kanaan, bangso Sidon dohot bangso Hewi na maringanan di partoran Libanon, mamungka sian Dolok Baal Hermon, lopus tu dalan laho tu Hamat.

1 SAMUEL 5:1

Dung dirampas halak Pilistin Poti Parjanjian ni Debata, dioban halahi ma i sian Eben-Haeser tu kota ni halahi, di Asdod.

1 SAMUEL 5:10

Gabe ditaruhon ma Poti Parjanjian i tu Ekron, kota ni halak Pilistin na asing muse. Disi lalu Poti i disi, mangarar ma halak kota i, didok halahi, “Na giot mamunu hita sude do umbaen na dioban Poti Parjanjian ni Debata ni Israel i tusi.”

1 SAMUEL 5:8

Jadi gabe dipiohon halahi ma raja ni halak Pilistin na lima i anso marlagut, lalu disapai halahi ma, “Bia do Poti Parjanjian ni Debata ni Israel i baenonta?” Dialusi angka raja-raja i ma, “Paimbar hamu ma i tu kota Gat.” Jadi gabe dipaimbar ma Poti i tu kota Gat, i ma sada kota ni halak Pilistin na asing.

1 SAMUEL 6:4

“Aha ma silua silehenonnami tuSia?” ning angka pamimpin i manyapai. Dialusi angka malim i ma, “Lima sere na himpal songon baro, dohot lima sere na himpal songon monci sarupa dohot bilangan ni raja ni Pilistin i. Inda he baro dohot monci do na mandondoni hamu sude, rayat bope raja?