JOSUA 12:5 - BIBEL JAMITA NA DENGGAN

⁵ Luat na nirajaannia dohot ma disi Dolok Hermon, Salka, sude Basan lopus tu Luat Gesur dohot Maaka; songon i muse tano Gilead satonga lopus tu luat na nirajaan ni Raja Sihon na sian Hesbon.

JOSUA 12:5 Iomraidhean Croise

2 SAMUEL 13:37

Maporus ma si Absalom tu bagas godang ni raja ni tano Gesur, i ma si Talmai anak ni si Amihur. Tolu taon honokna ia disi maringanan. Lolot do sai marsak si Daud mangarsakkon si Amnon,

2 SAMUEL 15:8

Harana dompak na di Gesur na di Siria i au maringanan, marjanji do au tu Tuhan mandok, muda dipaloas Tuhan au mulak tu Jerusalem, angkon kehe do au maribadat tuSia di Hebron.”

2 SAMUEL 23:34

Si Elifelet anak ni si Ahasbai halak Maaka; si Eliam anak ni si Ahitofel halak Gilo.

2 SAMUEL 3:3

Si Kileab. Inangna si Abigail tading-tadingan ni si Nabal na sian Karmel. Si Absalom. Inangna si Maaka boru ni Raja Talmai sian Gesur.

2 RAJA-RAJA 25:23

Dung tarboto tu angka perwira dohot parajurit ni Juda na so menyerah i dope tu Babel taringot tu na niangkatna i, gabe didapotkon halahi ma si Gedalya di Mispa. Angka on ma goar ni perwira i: Si Ismael anak ni si Netanya, si Johanan anak ni si Kareah, si Seraya anak ni si Tanhumet na sian kota Netofa dohot si Jasanya na sian kota Maaka.

1 JUJUR TAON 5:11

Sabola Utara ni luat ni Marga Ruben, maringanan do Marga Gad di tano Basan lopus tu Salka sabola Habincaran.

JEREMIA 40:8

Jadi kehe ma si Ismael anak ni si Netanya, si Johanan anak ni si Kareah, si Seraya anak ni si Tanhumet, dohot angka anak ni si Efai na sian Netofa, dohot si Jesanya na sian Maaka kehe rap dohot angka halakna be mandapotkon si Gedalya di Mispa.

PANGARATAION 3:14

Si Jair na sian Marga Manase, mambuat sude Luat Argob, i ma Basan lopus tu parbalohan ni Gesur dohot Maaka. Dibaen ia ma goar ni angka huta i mangihutkon goarnia sandiri, jana lopus saonnari laing tarbarita do i angka huta ni si Jair.)

JOSUA 11:3

Laing disuru Raja Jabin muse do halak mandapotkon halak Kanaan na di Hasundutan dohot Habincaran ni Jordan, tu angka halak Amori, Het, Peris dohot tu angka halak Jebus na di luat pardolohan, maradu tu angka halak Hewi na di pat ni Dolok Hermon na di Luat Mispa.

JOSUA 12:1

Anggo luat na di Habincaran ni Jordan, mamungka sian Rura Arnon manangkok tu Rura Jordan lopus tu tongtang ni Dolok Hermon di Utara, madung dirampas jana diingani angka halak Israel. Adong do dua raja na nitaluhon ni halahi.

JOSUA 13:11

Tano Gilead, luat na humaliang Gesur dohot Maaka dohot sude Dolok Hermon, dohot sude Luat Basan lopus tu Salka, sudena luat i laing masuk do i di bagasan bagian ni Marga Ruben, Gad dohot satonga Marga Manase.

1 SAMUEL 27:8

Di hatiha i, na jotjotan do si Daud dohot parangannia mamorangi halak Gesur, halak Girsi dohot halak Amalek na maringanan di luat i. Diroro ia do tu tano ni halahi lalu tu Sur, sapanjang dalan tu Mesir,