JOSUA 12:2 - BIBEL JAMITA NA DENGGAN

² Sada ma i na margoar si Sihon, raja ni halak Amori na maringanan di Hesbon. Lalu do kuaso ni raja i tu Luat Gilead satonga: I ma sian Aroer (na di ujung ni Rura Arnon), dohot parsitongaan ni rura i lopus tu Batang aek Jabok na marbalok dohot luat ni bangso Amon;

JOSUA 12:2 Iomraidhean Croise

PAMUNGKAAN 32:22

Laing di borngin i tarsunggul ma si Jakob jana ditariparkon ia ma ripenia na dua i dohot radingnia na dua i dohot anaknia na sabolas i di Batang aek Jabok.

1 JUJUR TAON 5:8

dohot si Bela anak ni si Asas, pahompu ni si Sema sian horong Joel. Maringanan di Aroer do horong on dohot di luat namarbalok sian Aroer sabola Utara lalu tu Nebo dohot Baalmeon.

NEHEMIA 9:22

Dilehen Ho di halahi hamonangan maradopkon bahat bangso dohot harajaan, songon i maradopkon sandok luat, huta dohot tano na marbalokkon tano ni halahi sandiri. Hesbon tano ni Raja Sihon dirampas halahi; Basan tano ni Raja Og diingani halahi.

MASMUR 135:11

Si Sihon raja ni Amori dohot si Og raja ni Basan, maradu sude raja ni Kanaan.

JEREMIA 48:19

Hamu angka na maringanan di Aroer, marjongjongan ma hamu di topi dalan jana parrohahon ma. Sapai hamu ma tu angka na kehe palua dirina, ‘Aha dehe na masa?’

PANGARATAION 1:4

Tulus ma i dung ditaluhon si Musa si Sihon raja ni halak Amori na mamarenta di kota Hesbon, dohot si Og raja ni Basan na mamarenta di kota Astarot dohot kota Edrei.

HAKIM-HAKIM 11:13

Dialusi angka raja-raja ni Amon ma angka utusan i, “Di hatiha na ro halak Israel sian Mesir, dibuat halahi do tanonami, mamungka sian Batang aek Arnon lalu tu Batang aek Jabok dohot Batang aek Jordan. Saonnari sugari nian paulahonmunu ma i di bagasan dame.”

HAKIM-HAKIM 11:22

Diingani halahi ma tano ni Amori mamungka sian Arnon di Selatan lopus tu Utara ni Batang aek Jabok, dohot sian parhorsihan na di Habincaran ni Jordan lopus tu Hasundutan ni Batang aek Jordan.