JOSUA 11:8 - BIBEL JAMITA NA DENGGAN

⁸ Jana Tuhan do mambaen monang halak Israel maralohon halahi. Diporangi halak Israel halahi lalu dikojar lopus tu tongtang ni Misrefot Maim dohot Sidon di Utara, jana lopus tu Rura Mispa di Habincaran. Torus do jebu parporangan i lopus nada adong be na tinggal sian musu i. Umpe sahalak – mate sude.

JOSUA 11:8 Iomraidhean Croise

PAMUNGKAAN 10:15

Angka anak ni si Kanaan, i ma si Sidon siangkaan dohot si Het, i ma ompu ni angka bangso na nigoaran mangihutkon goar ni halahi.

PAMUNGKAAN 49:13

Si Zebulon ma na maringanan donok tu laut. Ro ma angka kapal di topina marlabu, lopus tu Sidon bidang ni luatna.

2 SAMUEL 24:6

lalu torus tu Gilead dohot tu Kades na di luat ni halak Het. Dung i tu Dan ma halahi, jana sian Dan manekong ma tu sabola Hasundutan tu Sidon.

JESAYA 23:4

O kota Sidon, madung pola mago hasangapanmu! Nada diokui laut na bagas be da ho, ninna do, “Nada jungada au mardakdanak dope, nada unjung dope hupagodang-godang anak halaklahi sanga dadaboru.”

ZAKARIA 9:2

Hamat na marbalok dohot Hadrakh laing nampunaNia do i, songon i muse kota Tirus dohot Sidon haru pe na mansai pistar do halahi.

PANGARATAION 7:2

Muda dipasahat Tuhan Debatamu angka bangso i tu bagasan kuasomu jana talu halahi dibaen ho, angkon bunuonmunu do sude halahi. Ulang baen parjanjian dohot halahi, sanga pe maribo ni roha.

PANGARATAION 9:3

Tapi anggo saonnari idaonmunu sandiri ma sanga na bia Tuhan Debatamunu mardalan di jolomunu songon api na manyurbu. TaluhononNia ma halahi di jolo ni matamunu, gabe tarpaorot jana tarpusa hamu tibu halahi, songon na dung dijanjihon Tuhan.

JOSUA 10:20

Dibunu si Josua dohot angka halak Israel i ma angka halak Amori i, tapi laing adong dope sian tonga-tonga ni musu i na bisa masuk jana martabuni di angka tembok ni kota ni halahi gabe nada hona bunu.

JOSUA 11:3

Laing disuru Raja Jabin muse do halak mandapotkon halak Kanaan na di Hasundutan dohot Habincaran ni Jordan, tu angka halak Amori, Het, Peris dohot tu angka halak Jebus na di luat pardolohan, maradu tu angka halak Hewi na di pat ni Dolok Hermon na di Luat Mispa.

JOSUA 11:7

Jadi tompu ma diroro si Josua dohot sude parangannia musu i di anak ni Batang aek Merom.

JOSUA 13:6

Dohot muse do sude luat ni angka halak Sidon na maringanan di antara ni angka dolok na di Libanon dohot kota Misrefot Maim.” Dung i ninna Tuhan dope tu si Josua, “Muda kehe muse halak Israel mamorangi, paorotonKu ma sude angka bangso i. Jana angkon bagi-bagihononmu do tano i tu halak Israel anso gabe halahi puna, songon na dung Huparentahon tu ho.

JOSUA 19:28

Ebron, Rehob, Hamon dohot Kana lopus tu Sidon.

JOSUA 21:44

Jadi domu tu na dung dijanjihon Tuhan tu ompu na umpompar angka halak Israel i, dijagohon Tuhan ma antong sude luat i gabe sonang. Sian sude angka musu ni halahi i umpe adong sada na tolap mangalo halahi, angke dilehen Tuhan do hamonangan di halak Israel maradopkon angka musu ni halahi.