JOSUA 11:6 - BIBEL JAMITA NA DENGGAN

⁶ Didok Tuhan ma tu si Josua, “Ulang ho mabiar mida halahi. Ancogot laing songon on hatihana, ma pola Hubunu halahi sude hara ni Israel. Angkon mapangpang do baenonmu tentara ni halahi na markudo i, jana angka kareta porangna i angkon purunonmu.”

JOSUA 11:6 Iomraidhean Croise

2 SAMUEL 8:4

Ditaban si Daud do tentara ni si Hadadeser 1.700 halak na markudo, 20.000 halak pardalan pat. Ditadingkon si Daud ma kudo i tuk tu saratus kareta jana lobina i dipatengka ia patna i.

2 RAJA-RAJA 6:16

“Ulang pola mabiar ho,” ning si Elisa. “Umbahat dope na manjago hita ulang pado halahi.”

2 JUJUR TAON 20:16

Ancogot di hatiha manangkok halahi mamolus dalan tangkohan na di Zis, roro hamu ma halahi. Maradopan di ujung ni rura na di jolo ni parhorsihan na di lambung ni Jeruel i ma hamu dohot halahi.

MASMUR 46:10

Didok Ia, “Boto hamu ma, Au do Debata, ulang be pupu na marporang. Di tonga-tonga ni angka bangso, godang do Au, godang di sude tano on.”

MASMUR 46:11

Didongani Tuhan Na Markuaso i do hita, Debata ni si Jakob do mangondihon hita.

MASMUR 46:9

Diantak Ia do parporangan di tano on sudena, diropuk Ia angka parkokas ni porang jana ditutungi Ia.

PODA 20:7

Maruntung do anak na marama, na jujur boti na patulus hagiot ni Debata.

JESAYA 30:16

Hape so ra hamu! Mur mambaen tahi do hamu laho maporus sian musumunu manengget kudo na hipas, marlojong do hamu tutu jana mago. Didok hamu muse do, “Giot tenggetonnami do kuda na gogo,” hape gumogo dope angka na mangkojar hamu.

JESAYA 31:1

Marjaya ma halak na kehe tu Mesir laho mangido pangurupion. Dipangasahon halahi do hagogoan ni tentara ni Mesir, dohot parangan na manengget kudo dohot kudonia na gogo i songon i karetana na bahat i. Hape nada porsaya halahi tu Tuhan, Debata Na Badia ni Israel sanga pe mangido pangurupionNia.

JEHESKIEL 39:9

Mudur-udur ma halak na maringanan di angka kota ni Israel haruar laho palagutkon angka sinjata na martinggalan, i ma angka parince dohot podang, sior dohot anak ni pana dohot tungkot, potuk-potuk. Gabe soban ma i sudena dibaen halahi, salolot pitu taon.

HOSEA 14:3

Mulak ma hamu tu Tuhan jana palalu hamu ma tangiang on gabe songon haul tuSia, “Tuhan, sesa ma sude dosanami jana jagit ma tangiangnami on, gabe pujionnami ma Ho laing songon na dung hami janjihon i.

NAHUM 2:13

“Musumu do Au,” ninna Tuhan Na Markuaso i, “TutunganKu ma sude angka karetamu lopus abis. Marmatean ma angka tentaramu di bagasan parporangan, jana pambuatanKu ma sandok na nipambuatanmu sian halak na asing. Nada habegean be angka tuntutan ni suruanmu.”

PANGARATAION 7:16

Sandok bangso na nipasahat ni Tuhan Debatamu tu bagasan kuasomunu, siabiskononmunu do sudena i; ulang patuduhon hamu ibo ni roha tu halahi. Ulang somba hamu angka debata ni halahi, dibaen na mangalapi hamatean tu dirimunu do pangalaho na songon i.

JOSUA 10:8

Jana didok Tuhan ma tu si Josua, “Ulang ho mabiar tu halahi. Madung Hulehen di ho hamonangan, hara ni i umpe adong sahalak na tarbaen tahan mangalo ho.”

JOSUA 11:5

Dipasada angka raja-raja i ma tentara ni halahi jana rap ro lalu marmarkas di anak ni Batang aek Merom laho mamorangi Israel.

JOSUA 11:7

Jadi tompu ma diroro si Josua dohot sude parangannia musu i di anak ni Batang aek Merom.

JOSUA 11:9

Dipatulus si Josua do tu halahi na niparentahon ni Tuhan: Dipangpangi si Josua ma tentara ni halahi na markudo i jana ditutungi ia angka kareta porang ni halahi i.

JOSUA 3:5

Didok si Josua ma tu halak Israel, “Paias hamu ma dirimunu, angke ancogot baenon ni Tuhan ma hahomangan di tonga-tongamunu.”

HAKIM-HAKIM 20:28

jana si Pinehas anak ni si Eleasar, pahompu ni si Harun do na markarejo gabe malim. Jadi marsapa ma rayat i tu Tuhan, “Tuhan, angkon laing kehe dope hami mamorangi angka kahangginami halak Benyamin i, sanga na angkon antahonanmi do porang on?” Dialusi Tuhan ma, “Pajolo hamu ma mamorangi halahi! Ancogot lehenonKu ma hamonangan di hamu.”

HAKIM-HAKIM 7:9

Di borngin i didok Tuhan ma tu si Gideon, “Ngot ma ho, Gideon! Kehe ma ne porangi parbandaran ni halak Midian i. Hulehen do hamonangan di ho mangalo halahi.

1 SAMUEL 11:9

Dung i dipabotohon ma tu utusan na sian Jabes songon on, “Paboa ma tu halak Jabes, ancogot painte so kotu, manjagit pangurupi ma halahi.” Di na nijagit ni halak Jabes tona i, sun ma moga ni halahi.