JOSUA 11:3 - BIBEL JAMITA NA DENGGAN

³ Laing disuru Raja Jabin muse do halak mandapotkon halak Kanaan na di Hasundutan dohot Habincaran ni Jordan, tu angka halak Amori, Het, Peris dohot tu angka halak Jebus na di luat pardolohan, maradu tu angka halak Hewi na di pat ni Dolok Hermon na di Luat Mispa.

JOSUA 11:3 Iomraidhean Croise

PAMUNGKAAN 31:49

Laing didok si Laban muse ma, “Sai dimatai Tuhan ma hita salolot mangolu di parsirangan hita.” Jadi hara ni i, laing digoari muse ma inganan i Mispa.

2 SAMUEL 24:16

Ma lalu surusuruan na pasarsar hamatean i di lambung ni pardegean ni gandum nampuna ni si Arauna halak Jebus i. Jadi dung diida Tuhan na dung hobas surusuruan i laho mangabisi Jerusalem, dipauba Tuhan ma haputusannia i laho manguhum bangso i. Didok Tuhan ma tu surusuruan i, “Tuk ma i! Antak ma!”

2 SAMUEL 24:7

Dung i kehe ma halahi tu Selatan, tu Tirus kota na marbenteng i. Torus ma halahi kehe tu sude kota ni halak Hewi dohot halak Kanaan, jana ujungna tu Berseba, na di bagian Selatan ni Juda.

1 RAJA-RAJA 15:22

Dung salpu i diparentahon Raja Asa ma sude halak na di Juda nada adong imbarna mangangkat batu dohot hayu na di Rama na nipake ni si Baesa laho patoguhon kota i. I ma dipake si Asa laho patoguhon Mispa dohot Geba kota na di Luat Benyamin.

1 RAJA-RAJA 9:20

Na mangkarejohon karejo paksa i, dipili si Salomo do sian pomparan ni bangso Kanaan na so dibunu ni halak Israel di na laho mangingani luat i halahi. I ma angka bangso Amori, Het, Peris, Hewi dohot bangso Jebus, lopus sadari on tongtong do gabe hatoban pomparan ni i.

MASMUR 133:3

Sanga songon ombun di Dolok Hermon, na mijur tu angka Dolok Sion. Disi ma janjihonon ni Tuhan pasupasuNa, i ma hangoluan na salolot-lolotna.

MASMUR 89:12

Ho do na manjadihon Utara dohot Selatan, Dolok Tabor dohot Hermon marsurak di Ho marhamogaan.

ENDE NA GODANG 4:8

Ro ma ho tu au sian Dolok Libanon, ale dadaboru tunanganku, manuat ma ho sian puncut ni Dolok Amana, sian Dolok Senir dohot Dolok Hermon, sian liang-liang ni singa, dohot dolok inganan ni angguliman.

JEREMIA 40:10

Au sandiri maringanan di Mispa do, jana au ma da mangwakili hamu muda pala sai ro angka halak Babel i tuson. Tola do hamu palagutkon dohot manyimpan anggur, buah-buahan dohot miak zetun, dohot maringanan di angka kota siingananmunu.”

JEREMIA 40:6

Kehe ma au tu si Gedalya di Mispa jana maringanan ma au disi rap dohot ia di tonga-tonga ni rayat na ditadingkon i di tano Juda.

JEREMIA 41:14

marputar ma halahi marlojong mandapotkon rombongan ni si Johanan i.

JEREMIA 41:3

Dohot muse do sude halak Israel na rap dohot si Gedalya di Mispa dohot sude tentara ni Babel na topet ro tusi dibunu si Ismael.

BILANGAN 13:29

Di Selatan ni luat i maringanan halak Amalek. Di partoran, maringanan halak Het, Jebus dohot halak Amori. Di lambung ni Laut Tonga dohot sapanjang topi ni Batang aek Jordan maringanan halak Kanaan.”

PANGARATAION 4:48

Manggistang ma tano i sian kota Aroer di topi ni Batang aek Arnon, torus tu Utara lopus tu Dolok Sirion, i ma Dolok Hermon.

PANGARATAION 7:1

“Giot obanon ni Tuhan Debatamu ma ho tu tano siingananmu jana paorotonNia ma bahat bangso sian i. Di jolo ni matamu ayahonNia ma pitu bangso na gumodang jana na gumogo sian ho: Halak Het, Girgasi, Amori, Kanaan, Peris, Hewi dohot Jebus.

JOSUA 11:17

Bidang ni luat i, mamungka sian Dolok Gundul di Selatan donok ni Edom, lopus tu Utara lalu tu Baal Gad na di Rura Libanon, sabola Selatan ni Dolok Hermon. Honok sajo si Josua na marporang i dohot angka raja-raja i, tapi ditangkup si Josua do ujungna halahi jana dibunu ia sude halahi.

JOSUA 11:8

Jana Tuhan do mambaen monang halak Israel maralohon halahi. Diporangi halak Israel halahi lalu dikojar lopus tu tongtang ni Misrefot Maim dohot Sidon di Utara, jana lopus tu Rura Mispa di Habincaran. Torus do jebu parporangan i lopus nada adong be na tinggal sian musu i. Umpe sahalak – mate sude.

JOSUA 13:11

Tano Gilead, luat na humaliang Gesur dohot Maaka dohot sude Dolok Hermon, dohot sude Luat Basan lopus tu Salka, sudena luat i laing masuk do i di bagasan bagian ni Marga Ruben, Gad dohot satonga Marga Manase.

JOSUA 13:5

mangihut muse tano ni bangso Gebal dohot sude luat ni Libanon sabola Habincaran, sian Baal-Gad na di Selatan ni Dolok Hermon lopus tu dalan laho tu Hamat.

JOSUA 15:63

Kota Jerusalem pe masuk bagian ni Juda do, tapi nada tarpaorot halak Juda haruar angka halak Jebus na maringanan disi. Lopus saonnari laing rap maringanan di kota i do angka halak Jebus dohot halak Juda.

JOSUA 18:26

Mispa, Kefira, Mosa,

JOSUA 3:10

Jadi muda mardalan hamu naron, pasti do paoroton ni Tuhan angka halak Kanaan, Het, Hewi, Peris, Girgasi, Amori dohot halak Jebus. Idaonmunu ma bahaso na di tonga-tongamunu do Debata na mangolu i,

HAKIM-HAKIM 20:1

Jadi marroan ma sude halak Israel sian Dan di Utara lopus tu Berseba di Selatan, dohot sian Gilead di Habincaran laho mangoloi pio-pio i. Marlagut ma halahi jana marsada di Mispa di adopan ni Tuhan.

HAKIM-HAKIM 21:5

Dung i disihiri halahi ma di tonga-tonga ni angka marga ni Israel betak adong na so kehe marlagut mangadop tu Tuhan di Mispa na salpu i. (Madung marsumpa halahi di hatiha i, sanga ise na so manggohi pio-pio na tu Mispa angkon mate niuhuman.)

HAKIM-HAKIM 21:8

Jadi gabe ditangkasi halahi ma betak adong sada golongan sian marga ni Israel na so dohot kehe na marlagut i di Mispa. Jana tardapot ma di halahi bahaso na so adong muse sahalak na kehe tu Mispa sian angka halak Jabes na di Gilead.

HAKIM-HAKIM 3:3

On ma angka bangso na laing maringan di luat i: Bangso na laing maringanan di kota ni Pilistin na lima i, sude bangso Kanaan, bangso Sidon dohot bangso Hewi na maringanan di partoran Libanon, mamungka sian Dolok Baal Hermon, lopus tu dalan laho tu Hamat.

HAKIM-HAKIM 3:5

I ma dalanna laing tong maringanan di luat i halak Kanaan, Het, Amori, Peris, Hewi dohot Jebus rap dohot halak Israel.

1 SAMUEL 10:17

Jadi dipiohon si Samuel ma rayat ni Israel anso marlagut tu adopan ni Tuhan di Mispa,