JOSUA 11:2 - BIBEL JAMITA NA DENGGAN

² tu angka raja ni kota na di pardolohan sabola Utara, di Rura Jordan sabola Selatan ni Galilea, na di pat ni dolok dohot na di luat partopi ni laut donok tu Dor.

JOSUA 11:2 Iomraidhean Croise

1 RAJA-RAJA 15:20

Tumbuk do tu roha ni si Benhadad hatana i lalu disuruhon ia ma angka perwirania rap dohot pasukan ni halahi mamorangi angka kota ni Israel. Ditaluhon halahi ma Ijon, Dan, Abel Bet-Maaka dohot sude tano donokkon ni Dano Galilea maradu sude Luat Naftali.

BILANGAN 34:11

Sian i torus tu Ribla di Habincaran ni Ain lalu tu angka tor sabola Habincaran topi ni Laut Galilea,

LUKAS 1:39

Dung i manigor kehe ma si Maria manangkok tu sada kota di Luat Juda.

LUKAS 5:1

Di sada hatiha dompak jongjong Jesus di topi ni Dano Genesaret marsosak do bahat halak laho manangihon jamita na sian Debata.

JOSUA 10:40

Dipatunduk si Josua sude luat i. Ditaluhon ia angka raja na di bagian pardolok, na di robean ni dolok sabola Habincaran, na di pat ni dolok sabola Hasundutan, songon i muse na di angka padang-padang sabola Selatan. Sada halak umpe dipadiar ia mangolu; sude do dibunu. Songon i do antong parenta ni Tuhan, Debata ni Israel.

JOSUA 10:6

Dipalalu halak Gibeon ma barita on tu si Josua di parbandaran na di Gilgal, “Urupi ma hami tuannami, palua ma hami! Ulang padiar hami! Ro ma tuan i mangurupi hami. Dibaen madung mardomu tentara ni sude angka raja ni Amori na di luat pardolohan mangalo hami!”

JOSUA 11:16

Dirampas si Josua ma sandok luat – luat pardolok, angka luat na di pat ni dolok, bope na di Utara songon i na di Selatan; songon i Luat Gosen sudena dohot luat padang na harsang na di Selatan ni Gosen, dohot Rura Jordan.

JOSUA 11:21

Laing di hatiha i muse ma kehe si Josua mamusa bangso Anaki, i ma bangso raksasa na maringanan di luat dolok – i ma di Hebron, Debir, Anab dohot di sude luat pardolok Juda dohot Israel. Dibunu si Josua do halahi sude jana kotana i pe dironcohon.

JOSUA 12:3

songon i muse luat na di Habincaran ni Jordan sian Dano Galilea tu Selatan lopus tu Bet-Jesimot (di Timur Laut ni Laut Mate), lalu tu pat ni Dolok Pisga.

JOSUA 13:27

Di Rura Jordan masuk dope tu bagian ni Gad, Bet-Haram, Bet-Nimra, Sukot dohot Zafon, i ma luat na tinggal sian na nirajaan ni Raja Sihon na sian Hesbon. Parbatasan bagian sabola Hasundutan ni luat ni Gad, i ma Batang aek Jordan lopus tu Dano Galilea di Utara.

JOSUA 17:11

Di holang-holang ni Luat Isakar dohot Aser adong do tano ni halak Manase, i ma: Bet-Sean dohot Jibleam dohot angka luat na humaliangna. Songon i muse: Dor (kota na di topi ni laut), Endor, Taanakh, Megido dohot angka luat na humaliangna.

HAKIM-HAKIM 1:27

Anggo Marga Manase nada dipaorot halahi halak na maringanan di kota Bet-Sean, Taanak, Dor, Jibleam dohot Megido maradu angka kota na adong humaliangna. Jadi laing hot do disi maringanan halak Kanaan.