JOSUA 11:16 - BIBEL JAMITA NA DENGGAN

¹⁶ Dirampas si Josua ma sandok luat – luat pardolok, angka luat na di pat ni dolok, bope na di Utara songon i na di Selatan; songon i Luat Gosen sudena dohot luat padang na harsang na di Selatan ni Gosen, dohot Rura Jordan.

JOSUA 11:16 Iomraidhean Croise

MASMUR 105:44

Dilehen Ia di halahi tano ni angka bangso, suha ni haloloja ni halak gabe bangsoNia do nampunasa,

MASMUR 78:55

Di jolo ni bangsoNia i dipaorot Ia halak na disi humani lalu dibagi-bagihon Ia luat i tu sude marga ni Israel, bangsoNia i, lopus taringani halahi undung-undung ni musu ni halahi.

JEHESKIEL 17:23

Di dolok na gumincat Hupayakkon ia. Martunas ma ia disi jana marbatu, gabe bona ni sampinur na jagar. Sude ragam ni unggas disi mambaen asar, jana marsilaung di toru ni linggomna.

JEHESKIEL 36:8

Tapi Au mandok tu hamu ale angka dolok ni Israel, martumbur ma angka hayumu mangulahi jana marbatu baen di bangsongKu Israel na giot mulak ne noma.

PANGARATAION 1:7

Antong rorak hamu ma bandarmunu i jana kehe ma hamu tu tano ni halak Amori na mardolok-dolok i dohot tu sude luat na humaliangna i – tu Rura Jordan, tu tano na martor dohot tu tano napa na toruk, tu Luat Selatan dohot tu topi ni Laut Tonga. Kehe ma hamu tu tano Kanaan, manyalpui partoran Libanon lopus tu aek na godang Efrat.

JOSUA 10:40

Dipatunduk si Josua sude luat i. Ditaluhon ia angka raja na di bagian pardolok, na di robean ni dolok sabola Habincaran, na di pat ni dolok sabola Hasundutan, songon i muse na di angka padang-padang sabola Selatan. Sada halak umpe dipadiar ia mangolu; sude do dibunu. Songon i do antong parenta ni Tuhan, Debata ni Israel.

JOSUA 10:41

Mangararati do parporangan na nipimpin ni si Josua i mamungka sian Kades-Barnea na di Selatan lalu tu Gasa na di lambung ni topi ni laut, masuk ma i dohot sude Luat Gosen torus tu Utara di Gibeon.

JOSUA 11:15

Songon na niparentahon ni Tuhan tu si Musa naposoNa i, songon i do diparentahon si Musa tu si Josua, jana dipatulus si Josua do sude parenta i; sada pe nada adong na so dipadalan ia.

JOSUA 11:2

tu angka raja ni kota na di pardolohan sabola Utara, di Rura Jordan sabola Selatan ni Galilea, na di pat ni dolok dohot na di luat partopi ni laut donok tu Dor.

JOSUA 11:21

Laing di hatiha i muse ma kehe si Josua mamusa bangso Anaki, i ma bangso raksasa na maringanan di luat dolok – i ma di Hebron, Debir, Anab dohot di sude luat pardolok Juda dohot Israel. Dibunu si Josua do halahi sude jana kotana i pe dironcohon.

JOSUA 12:8

Lalu do luat on lopus tu luat pardolok, luat na di pat ni dolok di sabola Hasundutan, Rura Jordan rap dohot angka robeanna i, angka luat na di pat ni dolok sabola Habincaran dohot halongonan na di Selatan. Luat i hian ma na niinganan ni bangso Het, Amori, Kanaan, Peris, Hewi dohot Jebus.

JOSUA 9:1

Lalu do angka barita salaho tu hamonangan ni Israel tu sude angka raja na di sabola Hasundutan ni Jordan – na di bagian pardolok, na di pat ni dolok dohot na di napa na hornop sapanjang topi ni Laut Tonga lopus tu parbalohan ni Libanon di Utara, i ma angka raja Het, angka raja Amori, Kanaan, Peris, Hewi dohot Jebus.