JOSUA 11:12 - BIBEL JAMITA NA DENGGAN

¹² Dirampas si Josua ma angka kota i sudena. Ditangkupi rajana i lalu dibunu, hombar tu parenta ni si Musa, naposo ni Tuhan i.

JOSUA 11:12 Iomraidhean Croise

PANGARATAION 7:2

Muda dipasahat Tuhan Debatamu angka bangso i tu bagasan kuasomu jana talu halahi dibaen ho, angkon bunuonmunu do sude halahi. Ulang baen parjanjian dohot halahi, sanga pe maribo ni roha.

PANGARATAION 9:3

Tapi anggo saonnari idaonmunu sandiri ma sanga na bia Tuhan Debatamunu mardalan di jolomunu songon api na manyurbu. TaluhononNia ma halahi di jolo ni matamunu, gabe tarpaorot jana tarpusa hamu tibu halahi, songon na dung dijanjihon Tuhan.

JOSUA 10:20

Dibunu si Josua dohot angka halak Israel i ma angka halak Amori i, tapi laing adong dope sian tonga-tonga ni musu i na bisa masuk jana martabuni di angka tembok ni kota ni halahi gabe nada hona bunu.

JOSUA 10:28

Di ari i, diporangi si Josua ma Makeda lalu ditaluhon ia rap dohot rajana i. Dibunu ia sude halak na adong di kota i; umpe sada halak na dipadiar mangolu. Laing songon na nibaen ni si Josua tu raja ni Jeriko do dibaen ia tu raja ni Makeda.

JOSUA 10:30

Maradopkon kota on pe dohot rajana i, dilehen Tuhan do hamonangan di angka halak Israel. Umpe sahalak na dipadiar mangolu; sude na sakota i dibunu. Songon na nibaen ni halahi tu raja ni Jeriko, laing songon i do dibaen halak Israel tu rajana i.

JOSUA 10:32

Dilehen Tuhan do hamonangan tu halak Israel maralohon Lakis di bagasan parporangan di ari paduahon. Laing songon na nibaen ni halahi di Libna do dibaen halahi di Lakis; umpe sahalak dipadiar mangolu, sude do dibunu.

JOSUA 10:35

Laing di ari i do dapot halahi kota i lalu dibunu sude halak na disi songon na nibaen ni halahi di Lakis.

JOSUA 10:37

lalu mambuatsa. Hona bunu ma sudena rajana dohot sandok halak na adong di kota i dohot di angka kota na asing na humaliang kota i. Dironcohon si Josua do sandok kota i laing songon na nibaennia maradopkon kota Eglon. Nada adong umpe sahalak na dipadiar mangolu disi.

JOSUA 11:13

Tapi anggo angka kota na dipajongjong di ojahan na gincat, sada pe nada adong na nisurbu ni halak Israel, asing sian Hasor na nisurbu ni si Josua sandiri.

JOSUA 11:15

Songon na niparentahon ni Tuhan tu si Musa naposoNa i, songon i do diparentahon si Musa tu si Josua, jana dipatulus si Josua do sude parenta i; sada pe nada adong na so dipadalan ia.

JOSUA 13:6

Dohot muse do sude luat ni angka halak Sidon na maringanan di antara ni angka dolok na di Libanon dohot kota Misrefot Maim.” Dung i ninna Tuhan dope tu si Josua, “Muda kehe muse halak Israel mamorangi, paorotonKu ma sude angka bangso i. Jana angkon bagi-bagihononmu do tano i tu halak Israel anso gabe halahi puna, songon na dung Huparentahon tu ho.

JOSUA 21:44

Jadi domu tu na dung dijanjihon Tuhan tu ompu na umpompar angka halak Israel i, dijagohon Tuhan ma antong sude luat i gabe sonang. Sian sude angka musu ni halahi i umpe adong sada na tolap mangalo halahi, angke dilehen Tuhan do hamonangan di halak Israel maradopkon angka musu ni halahi.

JOSUA 8:31

Hombar tu na nipaboa ni si Musa naposo ni Tuhan tu halak Israel i do dibaen ia langgatan i. Angke tarsurat do di buku ni si Musa songon on, “Sada langgatan na nipajongjong dohot angka batu na so jungada dibola dohot parkokas na sian bosi.” Di ginjang ni langgatan i ma angka halak Israel manghaulkon tu Tuhan, haul situtungon jana songon i muse haul haluaan.

JOSUA 8:8

Dung dapot, angkon surbuon do kota i songon na niparentahon ni Tuhan. I ma karejomunu.”

JOSUA 9:24

Dialusi halahi ma, “Hami baen pe songon i tuannami, hara ni na dung hami bege do bahaso na dung disuru ni Tuhan Debatamunu do si Musa, naposoNia i, mangalehen tu hamu sude luat on dohot mamunu sude jolma na tinggal di angka inganan na nidapotkonmunu. Jadi gabe mabiar situtu hami tu hamu; mabiar hami hona bunu, i ma dalanna umbaen na hami baen sudena on.