JOSUA 10:8 - BIBEL JAMITA NA DENGGAN

⁸ Jana didok Tuhan ma tu si Josua, “Ulang ho mabiar tu halahi. Madung Hulehen di ho hamonangan, hara ni i umpe adong sahalak na tarbaen tahan mangalo ho.”

JOSUA 10:8 Iomraidhean Croise

1 RAJA-RAJA 20:13

Laing di ombas i, kehe ma sada halak panurirang mandapotkon Raja Ahab jana didok ia ma, “Pandok ni Tuhan, ‘Ulang mabiar ho mida tentara na bahat i! LehenonKu do hamonangan di ho maralohon halahi sadari on, jadi anso diboto ho, Au do Tuhan.’ ”

SURAT NI SI PAULUS TU PARLAGUTAN ROM 8:31

Aha ma he tardok hita taringot tu sudena i? Muda Debata donganta, ise ma he tarbaen mangalo hita?

PANGARATAION 3:2

Tapi didok Tuhan ma tu au, ‘Ulang ho mabiar tusia, Musa. Giot pasahatonKu do ia, tentarania dohot sude luatnia i tu ho. Baen ma tusia songon na nibaenmu tu si Sihon raja ni halak Amori na mamarenta di Hesbon i.’

PANGARATAION 7:24

Pasahaton ni Tuhan angka raja ni halahi tu bagasan kuasomunu. Bunuonmunu ma halahi, jana halupahonon ma halahi saulahon. Sada halak pe nada adong na tarbaen mangambati hamu; sandok halak angkon abiskononmunu.

JOSUA 10:25

Dung salpu i, didok si Josua ma tu angka panglimania i, “Ulang hamu mabiar jana ulang gamang. Angkon pos rohamunu jana barani, angke songon on ma baenon ni Tuhan sude angka musumunu.”

JOSUA 10:9

Saborngin i torus ma si Josua dohot parangannia i mardalan sian Gilgal tu Gibeon, lalu ompot ma diroro halahi halak Amori i.

JOSUA 11:6

Didok Tuhan ma tu si Josua, “Ulang ho mabiar mida halahi. Ancogot laing songon on hatihana, ma pola Hubunu halahi sude hara ni Israel. Angkon mapangpang do baenonmu tentara ni halahi na markudo i, jana angka kareta porangna i angkon purunonmu.”

JOSUA 8:1

Didok Tuhan ma tu si Josua, “Kehe ma ho dohot sude tentarami tu Ai. Ulang gamang hamu jana ulang mabiar! Giot baenonKu do ho monang maralohon raja ni Ai, kotana dohot luatna i gabe ho nampunasa.

HAKIM-HAKIM 6:16

“Pasti bisa do ho!” ninna Tuhan, “angke Au do na giot mangurupi ho. Mura do ropukkononmu angka halak Midian i tarsongon na mangadopi sada halak sajo baenonmu.”

HAKIM-HAKIM 7:9

Di borngin i didok Tuhan ma tu si Gideon, “Ngot ma ho, Gideon! Kehe ma ne porangi parbandaran ni halak Midian i. Hulehen do hamonangan di ho mangalo halahi.

1 SAMUEL 17:47

jana sudena halak na adong dison marnida na so porlu di Tuhan tombak sanga podang laho paluahon bangsoNa. I ma da na monang di parporangan on jana pasahatonNia ma hamu tu bagasan tangannami.”