JOSUA 10:6 - BIBEL JAMITA NA DENGGAN

⁶ Dipalalu halak Gibeon ma barita on tu si Josua di parbandaran na di Gilgal, “Urupi ma hami tuannami, palua ma hami! Ulang padiar hami! Ro ma tuan i mangurupi hami. Dibaen madung mardomu tentara ni sude angka raja ni Amori na di luat pardolohan mangalo hami!”

JOSUA 10:6 Iomraidhean Croise

2 RAJA-RAJA 4:24

Dung dipasang ia palano ni halode i, didok ia ma tu pangurupinia i. “Pacu ma halode on sahipas-hipasna marlojong; ulang urahi parhipasna anggo inda hudok.”

MASMUR 125:2

Songon angka dolok na mangondingi Jerusalem, songon i ma pangondingi ni Tuhan di bangsoNa, saonnari ro di salolot-lolotna.

JESAYA 33:22

Sandok perlengkapan na di parau ni halahi i, nada marguna sudena i; nada tarpahirbang angka layarna i! Rampasanta ma sude sinadongan ni musunta, jana hara ni bahatna salang halak na lumpuon pe dapot bagian. Tuhan i sandiri noma na gabe rajanta; mamarenta ma Ia tu hita jana paluaonNia ma hita sian musunta.

BILANGAN 13:29

Di Selatan ni luat i maringanan halak Amalek. Di partoran, maringanan halak Het, Jebus dohot halak Amori. Di lambung ni Laut Tonga dohot sapanjang topi ni Batang aek Jordan maringanan halak Kanaan.”

LUKAS 1:39

Dung i manigor kehe ma si Maria manangkok tu sada kota di Luat Juda.

PANGARATAION 1:15

Jadi gabe hubuat ma angka pamimpin na marbisuk jana na marpangalaman na nipilimunu i sian tonga-tonga ni margamunu, jana huangkat halahi laho mamimpin hamu. Deba ma i dibaen gabe pamimpin ni saribu halak, na asing dibaen pamimpin ni saratus halak, adong ma na nibaen gabe pamimpin ni lima pulu jana adong dibaen gabe pamimpin ni sampulu halak. Huangkat muse dope angka pamimpin na asing na gabe kapala ni angka marga-margamunu.’

JOSUA 10:5

Jadi gabe mardomu ma raja ni halak Amori na lima i, i ma raja ni Jerusalem, Hebron, Jarmut, Lakis dohot Eglon rap dohot sude tentarana be, lalu dihobuk halahi ma Gibeon mamorangisa.

JOSUA 10:7

Dung i kehe ma si Josua rap dohot sude tentarania, dohot angka parangan na dumenggan sian Gilgal laho marporang.

JOSUA 21:11

Dilehen do tu halahi Kiryat-Arba (ima Hebron-Arba i ma goar ni amang ni si Enak), na di tano pardolok-dolokan ni Juda, dohot tano panjampalan na humaliangna.

JOSUA 5:10

Taran na marbandar di Gilgal di napa na di lambung Jeriko, dipestahon halak Israel ma Paskah di borngin ni tanggal opat bolas di bulan i.

JOSUA 9:15

Dibaen si Josua ma parjanjian tanda mardongan dohot halak Gibeon i jana marjanji na so bunuon ni halahi. Jadi marsumpa ma angka pamimpin ni rayat ni Israel laho patuluskon parjanjian i.

JOSUA 9:6

Songon i ma halahi kehe tu parbandaran na di Gilgal jana didok halahi ma tu si Josua dohot tu angka halak Israel, “Sian luat sihadaoan do hami ro jana na giot mambaen parjanjian do hami dohot hamu.”

JOSUA 9:8

Didok halahi ma, “Na rade do hami patuluskon sanga aha pe na nihagiotanmunu.” “Ise dehe hamu? Jana na sian luat dia do hamu?” ning si Josua manyapai halahi.