JOSUA 10:41 - BIBEL JAMITA NA DENGGAN

⁴¹ Mangararati do parporangan na nipimpin ni si Josua i mamungka sian Kades-Barnea na di Selatan lalu tu Gasa na di lambung ni topi ni laut, masuk ma i dohot sude Luat Gosen torus tu Utara di Gibeon.

JOSUA 10:41 Iomraidhean Croise

PAMUNGKAAN 10:19

jabat do, mangararati batas ni Kanaan mamungka sian Sidon lopus tu sabola Selatan donok tu Gerar, di lambung ni Gasa, dohot tu sabola Habincaran marayak Sodom, Gomora, Admah dohot Zeboim; di lambung ni Lasa.

1 RAJA-RAJA 3:5

Borngin i dipataridahon Tuhan ma diriNa tusia di bagasan nipi jana manyapai, “Aha do dipangido rohamu lehenonKu tu ho?”

ZAKARIA 9:5

Idaon ni halak Askelon ma i dohot Gasa jana gabe mabiar ma halahi. Laing idaon ni Ekron ma i jana mago ma sude arop ni rohana. Agoan raja ma Gasa, jana Askelon gabe maronco nada adong na mangingani.

BILANGAN 13:26

Dipaboa halahi ma i tu si Musa, si Harun dohot tu sude halak Israel na marlagut di Kades di Parhorsihan Paran. Dibaritahon halahi ma angka na niida ni halahi. Batu ni hayu na nioban ni halahi dipatidahon halahi ma tu halak Israel.

BILANGAN 32:8

Madung dibaen angka amamunu na songon i, dompak na husuru halahi sian Kades-Barnea paresohon luat i.

BILANGAN 34:4

lalu mangeldok tu Selatan adop Dalan Akrabim, dung i torus tu Zin lalu tu Kades-Barnea sabola Selatan. Sian i mangeldok tu Barat Laut lalu tu Hasar Adar torus tu Asmon.

BAENON NI ANGKA RASUL 8:26

Ro ma sada surusuruan ni Tuhan mandok tu si Pilipus, “Jongjong ma ho! Kehe ma ho tu sabola Selatan dalan siboluson sian Jerusalem tu Gasa.” Dalan na dung tarulang do i.

PANGARATAION 1:19

“Dung i tapatulus muse ma sanga aha na niparentahon ni Tuhan tu hita. Tatadingkon ma Dolok Sinai, lalu mardalan hita mamolus parhorsihan na bidang jana na jorbut i laho tu luat partoran ni halak Amori. Di na lalu hita di Kades-Barnea,

PANGARATAION 2:23

Anggo tano na di topi ni Laut Tonga na dung dibuat ni angka halak na sian pulo Kreta do i. Madung diabisi halahi halak Awi, na mangingani tano i humani, lalu diingani halahi ma luat i lopus tu Selatan marbalok di kota Gasa.)

PANGARATAION 9:23

Dung i di na nisuru ni Tuhan hamu mardalan sian Kades-Barnea, jana diparentahon mardalan dohot mamorangi tano na giot silehenon ni Tuhan tu hamu, mangalo do hamu tu Tuhan, nada ra hamu porsaya sanga mangoloi tuSia.

JOSUA 10:12

Di ari i, di na nilehen ni Tuhan hamonangan tu halak Israel maradopkon halak Amori, mangkuling ma si Josua tu Tuhan. Jana di adopan ni halak Israel didok si Josua ma, “O, mataniari! Maradian ma ho di ginjang ni Gibeon. Jana ho, bulan! Ulang ho morot sian ginjang ni Rura Ayalon.”

JOSUA 10:2

Tarancam situtu ma pangkilalaan ni halak na maringanan di Jerusalem, angke sarupa do godang ni Gibeon dohot angka kota na marraja; gumodang dope tehe sian Ai, jana angka halakna pe angka parporang na malo-malo do.

JOSUA 11:16

Dirampas si Josua ma sandok luat – luat pardolok, angka luat na di pat ni dolok, bope na di Utara songon i na di Selatan; songon i Luat Gosen sudena dohot luat padang na harsang na di Selatan ni Gosen, dohot Rura Jordan.

JOSUA 11:22

Umpe sahalak sian bangso Anaki i na tinggal di Luat Israel; tapi anggo di Gasa, di Gat dohot di Asdod laing adong dope na tinggal piga-piga halak nari.

HAKIM-HAKIM 16:1

Sanoli kehe ma si Simson tu Gasa. Marsuo ma ia disi dohot sada boru jalang lalu kehe ma ia rap modom dohot anak boru i.

HAKIM-HAKIM 16:21

Gabe ditangkup halak Pilistin ma ia jana diholuk anak ni matana i. Dioban halahi ma ia tu Gasa jana ditambat halahi ma ia dohot rante tumbaga lalu dipamasuk ma tu bagasan hurungan. Disuru ma ia disi markarejo manggiling.

1 SAMUEL 6:17

Marhite na songon i madung ditongos halak Pilistin haul panobus dosa tu Tuhan di halak na mangingani kota na lima na niparenta ni raja Pilistin na lima i. I ma angka kota: Asdod, Gasa, Askelon, Gat dohot Ekron.