JOSUA 10:13 - BIBEL JAMITA NA DENGGAN

¹³ Mataniari pe maradian ma jana bulan i pe nada morot lopus talu dibaen halak Israel sude angka musuna. Tarsurat do na masa on di Buku Jasar. Sadari maningting nada lusut mataniari, tapi maradian di parsitongaan ni langit i.

JOSUA 10:13 Iomraidhean Croise

2 SAMUEL 1:18

jana diparentahon ia ma anso diajarkon ende on tu Marga Juda. (Tarsurat do ende on di Buku Jasar.)

2 RAJA-RAJA 20:10

Didok si Hiskia ma, “Anggo pamajuhon halinuna i do sampulu langka, mura do i. Jadi, mundur ma baen sampulu langka.”

ESTER 8:13

Angkon songon undang-undang do surat i diharuarkon jana dipabotohon tu sude halak di sandok propinsi anso hobas halak Jahudi mangalo musuna muda dung dapot ari i.

JOB 9:7

Tarorai Debata do ulang bincar mataniari manyogot, dohot mangantahi angka bintang marsinondang di borngin na robot.

MASMUR 148:3

Puji ma Ia, o mataniari dohot bulan, puji ma Ia, ale angka bintang na humirlap-hirlap.

MASMUR 19:4

Hape sorana marsaringar tu sude portibi, tarbege lalu tu ujung ni tano i. Di awang-awang dibaen Tuhan bagas ni mataniari,

JESAYA 24:23

Manggolap ma bulan i jana mataniari nada be marsinondang, angke mamarenta noma Tuhan Na Markuaso i songon sada raja. Mamarenta ma Ia di Jerusalem, di ginjang ni Dolok Sion, jana idaon ni angka pamimpin ni bangso ma hamuliaonNia.

JESAYA 38:8

Di tudu-tudu ni jom mataniari na nibaen ni Raja Ahas i, pamunduronKu ma halinuna i sampulu langka.” Jadi gabe mundur ma antong halinu i sampulu langka.

JOEL 2:10

Humutur do tano di na maju halahi, dohot langit pe humuntal do disi. Manggolap dohot bulan songon i mataniari, nada marsinondang dohot angka bintang i.

JOEL 2:31

Manggolap ma mataniari jana bulan pe marrara songon mudar dompak so dapot ari ni Tuhan i, i ma ari na godang jana sihabiaran!

JOEL 3:15

Manggolap ma mataniari dohot bulan, jana angka bintang pe nada marsinondang be.”

HABAKUK 3:11

Panyirlak ni angka anak ni siorMu maradu hipas, tombakna marsilo manyirlak-nyirlak, gabe so ma mataniari dohot bulan di ingananna.

BILANGAN 21:14

I ma harana umbaen na tarsurat di buku parporangan ni Tuhan, “..... Huta Waheb di Luat Sufa dohot napa-napana; Batang aek Arnon

BILANGAN 31:2

“Uhumi ma halak Midian, hara ni pambaenan ni halahi tu halak Israel. Dung salpu i, ale Musa, marujung ma ngolumu.”

MATEUS 24:29

“Nada sadia honok dung ro hasusaan di hatiha i, gabe golap ma mataniari, bulan i pe nada marsinondang be. Mardabuan ma angka bintang sian langit, marsursaran ma sude angka hagogoon na di parlangitan i.

MATEUS 5:45

anso gabe dakdanak ni Amangmunu na di banua ginjang i hamu. Harana dipabincar Debata do mataniari tu halak na burju dohot tu halak na jahat pe. Diparo Ia do udan tu halak na tigor dohot tu halak na geduk roha.

LUKAS 18:7

Anggo sai pio-pio do bangso ni Debata arian dohot borngin tu Debata nada he belaon ni Debata muse parkaro ni bangsoNa i? Adong he dipalolot-lolot Ia laho manolong halahi?

BAENON NI ANGKA RASUL 2:20

Manggolap ma mataniari, marrara ma bulan i songon mudar dompak so dapot Ari Ni Tuhan i, i ma Ari na godang jana na marmulia i.

JOSUA 10:11

Jadi taran na maporus i halak Amori sian jolo ni tentara Israel, didabuhon Tuhan ma ambolas na godang-godang sian langit tu ginjang ni halahi salolot di dalan i lalu tu Aseka. Umbahat dope na mate dibaen ambolas i sian na hona bunu ni halak Israel.

JOSUA 10:14

Nada jungada tarjadi songon i jana indangkan na tarjadi muse be ari songon i, disi diihutkon Tuhan hagiot ni jolma, marporang Tuhan di pihak ni Israel!

HALUMBAAN 21:23

Nada pola porlu sondangan ni mataniari sanga bulan kota i, angke sinondang ni Debata do manyondangisa jana Anak Ni Biri-biri i ma lampuna.

HALUMBAAN 6:10

Jana pio-pio ma halahi marsora na gogo ninna ma, “Ale Tuhan, na badia jana na sintong! Sadia honok nari dope anso diuhumi, jana dibaloskon Ho mudarnami tu angka na maringanan di tano on?”

HALUMBAAN 6:12

Dung i huida ma dibuka Anak Ni Biri-biri i cap na paonomkon. Ro ma lalo na gogo situtu. Mangalomlom ma mataniari songon goni jana bulan pe gabe rara ma songon mudar.

HALUMBAAN 8:12

Dung i diombus surusuruan na paopatkon i ma sarunenia. Gabe hona ma sapartolu mataniari i, sapartolu bulan dohot sapartolu sian angka bintang gabe mago ma sapartolu gogo ni sinondang ni halahi. Laing songon i muse sapartolu sian arian dohot sapartolu sian borngin gabe manggolap situtu.

HAKIM-HAKIM 16:28

Di hatiha i martangiang ma si Simson; didok ia ma, “Ale Tuhan Debata, sai ra ma Ho jolo marningot au. Laing lehen ma jolo hagogoon di au sanoli nari on, o Debata, anso laing tarbaloskon au sakali on pambaenan ni angka halak Pilistin on na mangholuk anak ni matangkon dua-dua.”

HAKIM-HAKIM 5:2

Puji Tuhan! Marsumpa do Israel laho marjuang; sian ias ni rohana kehe rayat i marporang.