JOSUA 10:11 - BIBEL JAMITA NA DENGGAN

¹¹ Jadi taran na maporus i halak Amori sian jolo ni tentara Israel, didabuhon Tuhan ma ambolas na godang-godang sian langit tu ginjang ni halahi salolot di dalan i lalu tu Aseka. Umbahat dope na mate dibaen ambolas i sian na hona bunu ni halak Israel.

JOSUA 10:11 Iomraidhean Croise

PAMUNGKAAN 19:24

Tompu ma dipaijur Tuhan udan barerang na marapi tu Sodom dohot Gomora

2 SAMUEL 18:8

Mabidang ma parporangan di luat i sude jana umbahat do na mate tarsosak di harangan i ulang pado na mate di galanggang ni porang i.

JOB 38:22

Jungada dehe mangaligi inganan panyimpanan ni artangKu inganan ni ambolas dohot salju,

JOB 38:23

na Husimpan tu hatiha hasompitan, di masa ni porang dohot ari-ari ni paraloan?

MASMUR 11:6

Tu halak na jahat diparo do udan api dohot barerang, diuhum Ia halahi dohot haba-haba na manutung lopus marragean.

MASMUR 147:17

Diparo Ia ambolas songon batu hara ni ngalina, sude halak humitir.

JESAYA 28:2

Suruhonon ni Tuhan ma sada halak na gogo jana na barani laho mamorangi halahi. Parronia songon alogo halingsungsung na mardongan ambolas, songon udan potir dohot banjir godang na mangayup dohot na mambaen bonom tano darat.

JESAYA 28:21

Angke ro ma Tuhan marporang songon na di Dolok Perasim dohot songon na di Rura Gibeon giot palalaluhon na nidokNa, jana hahomangon do pambaenNa jana na so haastuan do sanga na songon dia sidung baenonNia.

JESAYA 30:30

Patubegehonon ni Tuhan ma soraNia na tongam i jana ganop halak hilalaonna ma hamuruhonNia na sogen i. ParoonNia ma api na mangabiskon, udan potir, ambolas dohot bade.

JEHESKIEL 13:11

Ale angka panurirang pargabus, matorgan do tembokmunu i. ParoonKu ma udan potir. Tondongan ni halingsungsung ma tembok i jana tinggangan ni ambolas

PANGARATAION 20:4

Kehe do Tuhan Debatamunu mandongani hamu jana lehenonNia do hamonangan di hamu.’

HALUMBAAN 11:19

Gabe marbuka ma Bagas Na Badia ni Debata di banua ginjang jana tarida ma poti inganan ni surat parjanjian na di bagasan Bagas Na Badia i. Manigor ro ma hilap na sumiksak dohot sora ni ronggur na mangkutur jana na matuoror. Ro ma lalo jana madabu ma ambolas na lobi por.

HALUMBAAN 16:21

Mardabuan ma udan es na boratna lima-lima pulu kilogram, sian langit mandondoni jolma, jana diburai jolma i ma Debata hara ni parmaraan udan es i, angke na godang situtu do parmaraan i.

HAKIM-HAKIM 5:20

Angka bintang na di langit pe dohot do marporang, sian inganan parhusoranna halahi mamorangi si Sisera.