JOSUA 10:10 - BIBEL JAMITA NA DENGGAN

¹⁰ Dibaen Tuhan ma halak Amori i gabe mabiar so martontu, dung diida halahi halak Israel. Bahat do halak Amori na hona bunu di Gibeon i jana angka na mangolu i dope dikojar ma manuati lereng ni dolok na di Bet-Horon lalu tu Aseka dohot Makeda na di Selatan.

JOSUA 10:10 Iomraidhean Croise

2 SAMUEL 22:15

Dipalua Ia angka anak ni siorNia, musuNa pe masarsar, marlojongi be di na ro hilap sumiksak.

1 RAJA-RAJA 9:17

Gabe si Salomo ma pauli kota i mangulahi.) Marhite karejo paksa muse do dipajongjong si Salomo mangulahi kota Bet-Horon.

2 JUJUR TAON 14:12

Jadi diroro si Asa dohot tentara ni Juda i ma tentara ni Sudan i. Ditaluhon Tuhan ma tentara ni Sudan i lopus maporus halahi.

2 JUJUR TAON 25:13

Di hatiha i manyaroso ma angka parajurit ni Israel na nisuru mulak ni si Amasia i tu angka kota na di Juda, antara ni Samaria dohot Bet-Horon. Dibunu halahi ma tolu ribu halak jana bahat barang-barang dirampas halahi.

MASMUR 18:14

Dipalua Ia panaNia, musu i pe kehe gumadobur, maporus halahi hatiha manyoro ronggur.

MASMUR 44:3

Diingani halahi pe tano i nada i hara ni podang; nada hara ni gogona sandiri halahi umbaen na monang, tapi hara ni kuaso dohot sinondang ni bohiMu, na patandahon holong ni rohaMu maradopkon bangsoMu.

MASMUR 68:14

Mijur ma salju sian Dolok Salmon di na nipasarak ni Na Markuaso i angka raja-raja disi.

MASMUR 78:55

Di jolo ni bangsoNia i dipaorot Ia halak na disi humani lalu dibagi-bagihon Ia luat i tu sude marga ni Israel, bangsoNia i, lopus taringani halahi undung-undung ni musu ni halahi.

JESAYA 28:21

Angke ro ma Tuhan marporang songon na di Dolok Perasim dohot songon na di Rura Gibeon giot palalaluhon na nidokNa, jana hahomangon do pambaenNa jana na so haastuan do sanga na songon dia sidung baenonNia.

JESAYA 30:30

Patubegehonon ni Tuhan ma soraNia na tongam i jana ganop halak hilalaonna ma hamuruhonNia na sogen i. ParoonNia ma api na mangabiskon, udan potir, ambolas dohot bade.

JEREMIA 34:7

di na ro parangan ni raja Babel manyaroso kota i. Diserang halahi muse do kota Lakis dohot Aseka, angke i noma kota na laing marbenteng di Juda.

ZAKARIA 14:3

Jadi kehe ma Tuhan marporang mangalo angka bangso i songon na nibaenNia narobi.

PANGARATAION 7:23

Pasahaton ni Tuhan ma angka musumunu tu hamu. BaenonNia halahi lenong anso gabe hona pusa halahi.

JOSUA 10:11

Jadi taran na maporus i halak Amori sian jolo ni tentara Israel, didabuhon Tuhan ma ambolas na godang-godang sian langit tu ginjang ni halahi salolot di dalan i lalu tu Aseka. Umbahat dope na mate dibaen ambolas i sian na hona bunu ni halak Israel.

JOSUA 10:28

Di ari i, diporangi si Josua ma Makeda lalu ditaluhon ia rap dohot rajana i. Dibunu ia sude halak na adong di kota i; umpe sada halak na dipadiar mangolu. Laing songon na nibaen ni si Josua tu raja ni Jeriko do dibaen ia tu raja ni Makeda.

JOSUA 10:9

Saborngin i torus ma si Josua dohot parangannia i mardalan sian Gilgal tu Gibeon, lalu ompot ma diroro halahi halak Amori i.

JOSUA 11:8

Jana Tuhan do mambaen monang halak Israel maralohon halahi. Diporangi halak Israel halahi lalu dikojar lopus tu tongtang ni Misrefot Maim dohot Sidon di Utara, jana lopus tu Rura Mispa di Habincaran. Torus do jebu parporangan i lopus nada adong be na tinggal sian musu i. Umpe sahalak – mate sude.

JOSUA 16:3

Sian i tu Hasundutan ma garis i tu luat ni bangso Jaflet, lalu tu Bet-Horon parjae. Sian i muse tu Geser, jana marujung di Laut Tonga.

JOSUA 16:5

Dipajojor muse dison angka batas ni tano na dilehen tu angka marga na sian horong Efraim. Sabola Habincaran, mamungka ma batas ni tano ni halahi sian Atarot Adar lopus tu Bet-Horon-Julu,

JOSUA 21:22

Kibsaim dohot Bet-Horon, dohot tano padang-padangna, opat kota.

HAKIM-HAKIM 4:15

dung i diserang halahi ma si Sisera. Jana dipasarsar Tuhan ma sude pasukan ni si Sisera i dohot angka kareta porangna gabe mijur ma si Sisera sian karetana i lalu marlojongi mardalan pat.

HAKIM-HAKIM 4:16

Dikojar si Barak ma angka kareta porang dohot pasukan ni musu i lopus tu Haroset-Hagoyim lalu dibunu ia sude pasukan ni si Sisera i; umpe sahalak dipadiar mangolu.

HAKIM-HAKIM 5:20

Angka bintang na di langit pe dohot do marporang, sian inganan parhusoranna halahi mamorangi si Sisera.

1 SAMUEL 13:18

rombongan na paduahon mandapotkon Bet-Horon, jana rombongan na sada nari mandapotkon batas na mangadop tu Rura Zeboim dohot halongonan.

1 SAMUEL 17:1

Sanoli dijujui halak Pilistin ma tentarana anso maju marporang. Diatur halahi ma barisan ni halahi di Soko, di tonga-tonga ni luat ni Juda jana dibaen halahi ma parbandaran ni halahi di antara ni Soko dohot Aseka di Efes Damim.