JOSUA 1:7 - BIBEL JAMITA NA DENGGAN

⁷ Hum on do, sai marpos ni roha ma ho jana togu. Ingot ma ho laho mangoloi sadenggan-dengganna sandok uhum na nilehen ni si Musa naposongKu tu ho. Ulang layas rohamu saotik pe di angka uhum i, anso maruntung ho sanga tudia pe ho kehe.

JOSUA 1:7 Iomraidhean Croise

1 RAJA-RAJA 2:2

“Dapot ma hatihana marujung ngolungku. Angkon pos do rohamu jana barani.

1 RAJA-RAJA 2:3

Patulus ma sanga aha na niparentahon ni Tuhan Debatamu tu ho. Oloi ma sude tona dohot angka parentaNia na tarsurat di buku ni si Musa, anso sai maruntung ho sanga tudia pe ho kehe dohot di sude sanga aha na nikarejohonmu.

2 RAJA-RAJA 22:2

Dipatupa si Josia do na pasonangkon roha ni Tuhan; tiruan ni ompuna Raja Daud do diihutkon ia, jana dioloi ia do sude tona ni Debata sasingkopna.

1 JUJUR TAON 22:13

Anggo burju do ho mangoloi sude aturan na nilehen ni Tuhan tu si Musa di bangso Israel, manjadi ma karejomu. Angkon puluk do ho jana marpos ni roha. Ulang ho mabiar sanga na mangadopi aha pe jadi.

2 JUJUR TAON 15:7

Tapi angkon sobar do hamu jana barani. Manjadi do usahamunu i.”

2 JUJUR TAON 26:5

Si Zakaria do panuturinia domu tu soal partondion. Salolot di ngolu ni si Zakaria, setia do si Usia maribadat tu Tuhan, jadi gabe dipasupasu Tuhan do ia.

JOB 1:8

Dung i disapai Tuhan muse ma, “Madung he dipamanat ho si Job naposongKi? Sude jolma na di portibi nada adong halak na songon i burjuna dohot denggan ni rohana. Marsomba tu Au do ia jana nada mambaen hajahatan ia.”

MASMUR 80:19

Ale Tuhan Debata Na Markuaso pasuang ma hami, hara ni habasaonMu, tatap ma hami gabe malua ma hami.

PODA 4:27

Padao ma na jahat, jana tigor ma ho mangolu. Ulang jabat ho manyirpang sian dalan na tigor.

PODA 8:20

Dalan hajujuron do na huihutkon, di dalan hatigoran do na hulangkahon.

DANIEL 10:19

Didok ia ma, “Holong do roha ni Debata mida ho, hara ni i ulang pola mabiar ho.” Taran mandok songon i dope ia, mur martamba ma huhilala gogongku jana hudok ma, “Didok tuan i ma da hatana. Madung ditambai tuan i gogongku.”

BILANGAN 27:23

Songon na dung diparentahon Tuhan, diampehon si Musa ma tangannia tu ginjang ulu ni si Josua jana dipaboa ia bahaso si Josua ma na gabe gontinia.

PANGARATAION 11:8

“Oloi hamu ma angka aturan na hulehen tu hamu di ari sadari on, dung i tarbaen hamu ma manaripari batang aek i dohot mamasuhi tano na giot siingananmunu santongkin nari.

PANGARATAION 12:32

Sai patulus hamu ma sandok na dung huparentahon tu hamu; ulang tambai sanga urahi hamu saotik pe.

PANGARATAION 28:14

Tapi ulang lolos-lolos ho di parenta i sude, sanga na bia pe pangalahona. Jana ulang mamele sanga mangoloi ho tu angka debata na asing.”

PANGARATAION 29:8

tarampas tano ni halahi lalu tabagi-bagi di Marga Ruben dohot Gad dohot di Marga Manase deba gabe arta pusako ni halahi.

PANGARATAION 29:9

Jadi sai burju ma hamu antong mangoloi sude hata na sian parjanjian on anso mardohar hamu di sude na nibaenmunu.

PANGARATAION 31:7

Dung i dipio si Musa ma si Josua, jana di jolo ni sude bangso Israel i didok si Musa ma tusia, “Sai pos ma rohamu jana barani, ale Josua! Ho noma na mamimpin bangso on laho mambuat tano na dung dijanjihon ni Tuhan i tu ompu ni halahi.

PANGARATAION 4:2

Sandok na huparentahon i, ulang tambai sanga urahi hamu saotik pe. Oloi hamu ma angka parenta ni Tuhan Debatamunu na hulehen i tu hamu.

PANGARATAION 5:32

Angka dongan sabangso, burju be ma hamu mangoloi sasude na niparentahon ni Tuhan Debatamunu i tu hamu. Ulang adong sada pe sian angka parenta i langgar hamu.

JOSUA 1:1

Dung marujung ngolu ni si Musa naposo ni Tuhan i, mangkuling ma Tuhan tu wakil ni si Musa i ma si Josua anak ni si Nun.

JOSUA 1:8

Parrohahon ma denggan anso sai tongtong disise buku niuhum i ganop maribadat hamu. Parsiajari ma buku i arian dohot borngin jana dalankon ma sude na tarsurat di bagasan buku i ulang parlayas. Muda dipatulus ho sudena i, sonang ma ngolumu jana maruntung.

JOSUA 1:9

Ingot, madung Huparentahon tu ho anso marpos ni roha situtu ho! Ulang ho mabiar sanga hurang semangat, angke Au Tuhan Debatamu, sai na dongananKu do ho sanga na tu dia pe ho kehe.”

JOSUA 11:15

Songon na niparentahon ni Tuhan tu si Musa naposoNa i, songon i do diparentahon si Musa tu si Josua, jana dipatulus si Josua do sude parenta i; sada pe nada adong na so dipadalan ia.

JOSUA 23:6

Jadi hara ni i, sai parrohahon hamu ma denggan-denggan anso oloi hamu jana dalankon hamu sandok na tarsurat di bagasan Buku Uhum ni si Musa i. Ulang ma layas rohamunu mida deba sian angka uhum i.