JOSUA 1:4 - BIBEL JAMITA NA DENGGAN

⁴ Gistang ma tanomunu i mamungka sian parhorsihan na di Selatan lopus tu parbalohan Libanon di sabola Utara; jana sian Batang aek Efrat na godang i di Habincaran lalu tu Laut Tonga di sabola Hasundutan.

JOSUA 1:4 Iomraidhean Croise

1 RAJA-RAJA 10:29

jana dipamasuk angka kareta porang sian Mesir, dung i muse diparuar ma i tu angka raja ni halak Het, dohot tu angka raja ni halak Siria mararga saratus lima pulu hepeng perak sada kudo jana onom ratus hepeng perak sada kareta porang.

1 RAJA-RAJA 4:21

Sude bangso mamungka sian Batang aek Efrat lalu tu Pilistin dohot parbatasan ni Mesir, masuk ma i tu harajaan ni si Salomo. Tunduk do angka bangso i jana manggarar pajak tusia salolot mangolu ia.

1 JUJUR TAON 18:3

Dung i diserang si Daud muse ma si Hadadeser raja ni Zoba di lambung ni Luat Hamat na di tano Siria. Di pardalananna do hatiha i si Hadadeser laho pabidangkon kuasonia di luat na di lambung ni soksok ni Batang aek Efrat.

1 JUJUR TAON 5:9

Bahat sajo do pahan-pahanan ni halahi di Luat Gilead. Jadi hara ni i ma umbaen na niinganan ni halahi luat sabola Habincaran lopus tu parhorsihan na manggistang lopus tu Batang aek Efrat.

ESRA 4:20

Jungada do adong angka raja-raja na barani mamarenta disi jana mangarajai sude propinsi Efrat Hasundutan jana padalan pajak dohot bolaan.

HARURUAR 23:31

Hupabidang pe batas ni tanomunu mamungka sian Solok Akaba lalu tu Batang aek Efrat jana sian Laut Tonga lopus tu halongonan parhorsihan. Hulehen pe kuaso di hamu maradopkon halak luat i humani di na maju hamu mangarampas tano i, paorotonmunu ma halak na manginganisa.

PANGARATAION 1:7

Antong rorak hamu ma bandarmunu i jana kehe ma hamu tu tano ni halak Amori na mardolok-dolok i dohot tu sude luat na humaliangna i – tu Rura Jordan, tu tano na martor dohot tu tano napa na toruk, tu Luat Selatan dohot tu topi ni Laut Tonga. Kehe ma hamu tu tano Kanaan, manyalpui partoran Libanon lopus tu aek na godang Efrat.

PANGARATAION 11:24

Sude tano na nidege ni patmunu i gabe hamu nampunasa. Manggistang ma tanomunu sian parhorsihan na di Selatan lopus tu Pardolohan Libanon di Utara, dohot sian Batang aek Efrat di Habincaran lopus tu Laut Tonga di Hasundutan.

PANGARATAION 3:25

Patola ma au manaripari Batang aek Jordan ale Tuhan, laho mangaligi tano na napu na di bariba an, tano partoran na jeges dohot tano Libanon.’

HALUMBAAN 9:14

Mangkuling ma sora i tu surusuruan paonomkon na maniop sarune i, “Palua ma surusuruan na opat i na hona tambat di Batang aek Efrat i!”