JOSUA 1:2 - BIBEL JAMITA NA DENGGAN

² Didok Tuhan ma, “Madung marujung ngolu ni naposongKu si Musa. Saonnari markobas ma ho dohot sude bangso Israel laho manaripari Batang aek Jordan dohot mamasuhi tano na giot lehenonKu di halahi.

JOSUA 1:2 Iomraidhean Croise

PAMUNGKAAN 17:8

LehenonKu ma di ho dohot di pomparanmu, i ma tano na niingananmon saonnari songon paisolat. Sude tano Kanaan gabe pomparanmu ma nampuna i ro di salolot-lolotna jana Au ma gabe Debata ni halahi.”

NEHEMIA 9:23

Dijadihon Ho do pomparan ni halahi, sabahat ni angka bintang na di langit i. Dilehen Ho do tano di halahi baen siingananna, tano na nijanjihonMu tu angka ompuna.

JOB 1:8

Dung i disapai Tuhan muse ma, “Madung he dipamanat ho si Job naposongKi? Sude jolma na di portibi nada adong halak na songon i burjuna dohot denggan ni rohana. Marsomba tu Au do ia jana nada mambaen hajahatan ia.”

JESAYA 42:1

“Ligi, indu do naposongKu na Hutiop, naposo todoan ni rohangKu, lomo do rohangKu disia. Madung Hulehen kuasongKu tusia, laho maroban hatigoran tu angka bangso sudena.

BILANGAN 12:7

Tapi nada songon i muda mangkatai Au dohot si Musa pangoloingKi. Madung Hupasahat tusia karejo mamimpin bangsongKu Israel.

PANGARATAION 3:28

Lehen ma panogu-noguon tu si Josua. Pasobar rohania, angke ia do na giot mamimpin bangso i tu bariba laho mambuat tano na niidami.’

PANGARATAION 31:7

Dung i dipio si Musa ma si Josua, jana di jolo ni sude bangso Israel i didok si Musa ma tusia, “Sai pos ma rohamu jana barani, ale Josua! Ho noma na mamimpin bangso on laho mambuat tano na dung dijanjihon ni Tuhan i tu ompu ni halahi.

PANGARATAION 34:5

Jadi marujung ma ngolu ni si Musa, naposo ni Tuhan i di tano Moab, laing songon na nidok ni Tuhan i hian.

JOSUA 1:1

Dung marujung ngolu ni si Musa naposo ni Tuhan i, mangkuling ma Tuhan tu wakil ni si Musa i ma si Josua anak ni si Nun.

JOSUA 1:11

kehe tu sude parbandaran i jana diparentahon ma songon on tu rayat i, “Parade hamu bohal, angke tolu ari nari angkon tariparanmunu ma Batang aek Jordan laho mambuat tano na nilehen ni Tuhan Debatamunu i di hamu.”